«Նզո՛վք դավաճաններին, ամո՛թ լռողներին». բողոքի ակցիա՝ կառավարության մոտ (տեսանյութ)

Կառավարության մոտ բողոքի ակցիա է ընթանում` ի աջակցություն Հայ առաքելական Եկեղեցու, որը վերջին օրերին հայտնվել է իշխանության թիրախում։

Ակցիայի մասնակիցները նախ կառավարության շենքի դիմաց ֆլեշմոբ իրականացրին։ Պարանի վրա լվացքի ամրակներով նրանք կախեցին պաստառներ, որոնց վրա տարբեր գրառումներ կային. «Մեր արհավիրքի պատճառը սատանայապաշտ իշխանություններն են», «Հայ առաքելական սուրբ եկեղեցին հայ ազգի հիմնասյունն է» և այլն։

Ակցիայի ընթացքում նաև խնկարկում եղավ։