Իրանը հարվածել է Իսրայելի գիտական ինստիտուտին՝ ի պատասխան գիտնականների սպանության (տեսանյութ)
ՏեսանյութերՀաղորդվում է, որ Ռեհովոտում Վայցմանի գիտական ինստիտուտին պատկանող շենքը վնասվել է Իրանի կողմից իրականացված վերջին հրթիռակոծության հետևանքով։
The New York Times-ը, հղում անելով թերթին տրամադրված լուսանկարներին, հայտնում է, որ հրդեհ է բռնկվել «առնվազն մեկ շենքում, որտեղ տեղակայված են լաբորատորիաներ»։
Ըստ լրատվամիջոցների, մտավախություն կա, որ մարդիկ կարող են ներսում արգելափակված լինել։
Նշենք, որ Իսրայելում արտակարգ դրության ռեժիմն ուժի մեջ է մտել ուրբաթ վաղ առավոտյան՝ տեղական ժամանակով ժամը 03:00-ին։ Այն ուժի մեջ կլինի առնվազն մինչև կիրակի, ժամը 20:00-ն, և կարող է երկարաձգվել՝ կախված սպառնալիքի մակարդակից։
Փակվել են բոլոր կրթական հաստատությունները, այդ թվում՝ մանկապարտեզները, ցերեկային խնամքի կենտրոնները, դպրոցները, հատուկ կրթական ծրագրերը, ամառային ճամբարները, երիտասարդական կազմակերպությունները և բարձրագույն ուսումնական հաստատությունները։
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
