Պակիստանում մահապարտը հարձակվել է ռազմական շարասյան վրա (տեսանյութ)

Պակիստանում մահապարտ ահաբեկիչը մխրճվել է ռազմական շարասյան մեջ՝ խլելով առնվազն 16 մարդու կյանք։ Այս մասին հայտնում է Agence France-Presse-ը՝ վկայակոչելով տեղական իշխանությունների ներկայացուցիչներին։

«Մահապարտ ահաբեկիչը պայթուցիկով բեռնված ավտոմեքենայով մխրճվել է զինվորների շարասյան մեջ», - գրում է գործակալությունը:

Հաղորդվում է, որ ահաբեկչության հետևանքով փլուզվել է նաև երկու տան տանիք: Ոստիկանությունը հայտնել է նաև տուժած 6 երեխաների մասին։