Գեղամ Մանուկյանը՝ «Տաշիր գրուպի» գրասենյակում խուզարկության մասին (տեսանյութ)

«Հայաստանում քրեաիրավակական, արտաքին քաղաքական, կրոնական բոլոր հարցերով խորհուրդ կտամ 1 աղբյուրից օգտվել` Նիկոլ Փաշինյանի ֆեյսբուքյան էջից։ Գլխին ինչ փչում ա` առավոտը գրում ա, էս խեղճ իրավապաներն էլ հլու– հնազանդ կատարում են»,- լրագրողների հետ զրույցում ասաց ԱԺ ընդդիմադիր պատգամավոր Գեղամ Մանուկյանը:

Անդրադառնալով ՀԷՑ–ի շուրջ ստեղծված իրավիճակին «Հայաստան» խմբակցության պատգամավորը հայտարարեց, որ ՀՀ վարչապետը շուտով ոլորտ կտեղափոխի ՔՊ–ականների միաժամանակ շեշտելով, որ 8 ամիս է` իշխանությունը չի կարողանում ՀՀ էկոնոմիկայի փոխնախարար գտնել։ 

Արդեն հայտնել էինք, որ խուզարկություն է իրականացվում «Տաշիր գրուպի» գլխավոր գրասենյակում:

Քննչական կոմիտեից հայտնել են, որ քննվող քրեական վարույթի շրջանակներում կատարվում են անհետաձգելի քննչական գործողություններ։