ՀԾԿՀ-ն քվեարկությամբ մերժեց Մեսրոպ Մեսրոպյանին բացարկ հայտնելու «Տաշիր» կապիտալի միջնորդությունը

ՀԷՑ-ի լիցենզիայի դադարեցման օրակարգով Հայաստանի Հանրային ծառայությունները կարգավորող հանձնաժողովի (ՀԾԿՀ) նիստում «Տաշիր կապիտալ» ընկերության ներկայացուցիչները բացարկի միջնորդություն ներկայացրեցին ՀԾԿՀ նախագահ Մեսրոպ Մեսրոպյանին։

Փաստաբան Վարդան Ալոյանը հայտարարեց, որ Մեսրոպ Մեսրոպյանը կողմնակալ է, որ նա 2020-ին գործող իշխանության կողմից նշանակվել է Կոտայքի մարզպետ, 2023թ. նոյեմբերից «Քաղաքացիական պայմանագրի» անդամ է հանդիսացել և օրենքի խախտումով նշանակվել է ՀԾԿՀ նախագահ։

Բացարկը հիմնավորելիս՝ փաստաբանը նշեց, որ Մեսրոպյանը ՔՊ հիմնադիր անդամ ԵԿՄ նախագահ Սասուն Միքայելյանի հետ խնամիական կապի մեջ է գտնվում։

Մեսրոպ Մեսրոպյանը 20 րոպե ընդմիջում վերցրեց, բացարկը քննարկելու համար, իսկ այդ ընթացքում ՀԷՑ ժամանակավոր կառավարիչ Ռոմանոս Պետրոսյանը, պատասխանեց լրագրողների հարցրեին։

«Մի քանի շաբաթ անց պարզ դարձավ, որ երկար տարիներ ՀԷՑ-ում տիրող իրավիճակը, թաքցվելով և՛ ՀԾԿՀ-ից, և՛ իրավասու վերահսկողական և տեսչական լիազորություններով օժտված պետական այլ մարմիններից, բերել հանգեցրել է այն ճգնաժամային իրավիճակին, որ ՀԾԿՀ նախագահը ստիպված էր ՀԷՑ-ի նկատմամբ վարույթ հարուցել և կանխարգելիչ միջոցառում իրականացնել»,-հայտարարեց Պետրոսյանը

Նա հայտարարեց, թե իր կանխատեսումը իրականություն է դարձել և ենթադրեց, որ ՀԷՑ-ը կզրկվի լիցենզիայից։

Հիշեցնենք՝ ՀԾԿՀ-ն քննարկում է «Տաշիր» ընկերությունների խմբին պատկանող «Հայաստանի էլեկտրական ցանցեր» ընկերության էլեկտրաէներգիայի բաշխման լիցենզիայի չեղարկման հարցը։

Նիստը վերսկսելով Մեսրոպ Մեսրոպյանը քվեարկության դրեց բացարկը և հանձնաժողովի 5 անդամն էլ դեմ քվեարկեցին բացարկին։

 Արամ Օրբելյանը ձայն խնդրեց և նշեցհարցրեց, թե ինչ կարգավիճակով են դահլիճում նստածները և ինչու ՀԷՑ-ի հետ համագործակցող ՀԿ-ները չեն հրավիրվել դահլիճ։

 Մեսրոպ Մերսոպյանը նշեց, որ նիստին ներկայացել են ՏԿԵ նախարարը և իր գործընկերները, որպես հայցվոր, իսկ Ռոմանոս Պետրոսյանը՝ որպես ժամանակավոր կառավարիչ, որը գործադիր մարմնի ղեկավարն է։