Հայտարարվել է լիցենզավորման մարզային սփռման մրցույթ

Նոյեմբերի 19-ին Հեռուստատեսության և ռադիոյի հանձնաժողովը գումարեց իր հերթական նիստը։ Օրակարգում ընդգրկված էր երեք հարց՝

1. Լսողական ծրագրի հաճախականության օգտագործման լիցենզավորման մարզային՝ ՀՀ Տավուշի մարզի տարածքում սփռման մրցույթ հայտարարելու վերաբերյալ.
2. «Էյ Բի Սի մեդիա» ՍՊ ընկերության հեղինակազորման հայտի վերաբերյալ.
3. «Ինտերլինկ» ՍՊ ընկերության` Երևան քաղաքի և Կոտայքի մարզի տարածքում ցանցային օպերատորի գործունեության լիցենզիա ստանալու դիմումի վերաբերյալ:

Օրակարգը հաստատելուց հետո, Հեռուստատեսության և ռադիոյի հանձնաժողովը որոշեց 2025 թվականի նոյեմբերի 19-ին հայտարարել լսողական ծրագրի հաճախականության օգտագործման լիցենզավորման մարզային՝ ՀՀ Տավուշի մարզի տարածքում սփռման մրցույթ։ Մրցույթի մասին մանրամասն տեղեկատվությունը հրապարկված է Հայաստանի Հանրապետության հրապարակային ծանուցումների www.azdarar.am և Հեռուստատեսության և ռադիոյի հանձնաժողովի www.tvradio.am պաշտոնական ինտերնետային կայքերում: 

Երկրրորդ հարցը վերաբերում էր «Էյ Բի Սի մեդիա» ՍՊ ընկերության հեղինակազորման հայտին։ «Էյ Բի Սի մեդիա» ՍՊ ընկերությունը 2025 թվականի նոյեմբերի 10-ին Հեռուստատեսության և ռադիոյի հանձնաժողով (այսուհետ` Հանձնաժողով) է ներկայացրել հեղինակազորման հայտ: Ընկերության կողմից ներկայացված հայտի համաձայն՝ տեսալսողական ծրագրի անվանումն է՝ «Էյ Բի Սի մեդիա» (ABC media): Ուսումնասիրելով ընկերության հայտը՝ Հանձնաժողովը որոշեց բավարարել հայտը և հեղինակազորել ընկերությանը։ Որոշումն ուժի մեջ է մտնում «Էյ Բի Սի մեդիա» ՍՊ ընկերությանը պատշաճ իրազեկելու օրվան հաջորդող օրվանից։