Հարսնացուն ալտարի մոտ հասել է դինոզավրի կոստյումով
Հասարակություն
ԱՄՆ-ում անցկացված հարսանիքի ընթացքում հարսնացուի անսովոր քայլը մեծ համացանցային արձագանք է առաջացրել։ Հրապարակված TikTok տեսանյութում հարսնացու Լորենը (ազգանունը չի նշվում) հյուրերի առաջ հայտնվում է փչվող դինոզավրի հագուստով՝ ձեռքին մեծ ծաղկեփնջով։ Նա հոր ուղեկցությամբ շարժվում է դեպի փեսացուն՝ առաջացնելով հյուրերի բուռն ծափահարություններ։
Ֆոտոգրաֆ Նիկոլ Ուիլքոքսը, որը նկարահանել է հարսանեկան արարողությունը, պատմել է, որ Լորենն սկզբում կասկածել է իր գաղափարի վրա, սակայն ի վերջո հրաժարվել է ավանդական հարսանեկան զգեստից՝ նախընտրելով իր կատակամիտ ու յուրօրինակ մտադրությունը։ «Երբ նա առաջին անգամ ասաց, որ ուզում է զարմացնել բոլորին դինոզավրի կոստյումով, ես անմիջապես պատասխանեցի՝ "Արի իրականացնենք"», – նշել է նա։
Տեսանյութը հավաքել է բազմաթիվ դիտումներ, իսկ օգտատերերը գովել են հարսնացուի ստեղծագործական մոտեցումը։ «20 տարի հարսանիքների եմ մասնակցում, և սա ամենածիծաղելի պահերից մեկն է», «Թեման գուցե չէր համընկնում, բայց շատ համարձակ քայլ էր», «Տպավորված եմ ամբողջ կերպարով», – գրել են նրանք մեկնաբանություններում։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
