«Unbroken» ֆիլմի աստղը՝ Սփենսեր Լոֆրանկոն, մահացել է 33 տարեկանում

Կանադացի դերասան Սփենսեր Լոֆրանկոն, որը հայտնի դարձավ Անդջելինա Ջոլիի «Unbroken» ֆիլմում իր դերակատարմամբ, մահացել է 33 տարեկանում։ Այս մասին հայտնում է Forbes-ը։ Աղբյուրի տվյալներով՝ Լոֆրանկոն կյանքից հեռացել է նոյեմբերի 18-ին, սակայն մահվան պատճառները դեռևս չեն բացահայտվում։ Դեպքի հանգամանքները պարզելու համար սկսվել է քննություն։

Դերասանի մահվան մասին հուզիչ գրառում է արել նրա եղբայրը՝ Սանտինոն․ «Դու ապրել ես այն կյանքը, որի մասին շատերը միայն երազում են։ Դու փոխել ես մարդկանց կյանքը, իսկ հիմա Աստծո հետ ես։ Միշտ սիրելու եմ քեզ և կարոտելու, փղշա»։ Լոֆրանկոն կինոյում հանդես է եկել  2013 թվականին՝ «Միդլթոն» ֆիլմում։

Ավելի վաղ հաղորդվել էր նաև ամերիկացի դերասան Պիթեր Սկոլարիի մահվան մասին, ով հայտնի էր դարձել Թոմ Հենքսի հետ «Bosom Buddies» («Закадычные друзья») սերիալում իր խաղով։