«Ոտքս ցավում է, բայց ընդհանուր առմամբ լուրջ բան չկա». Տատյանա Տարասովա

ԽՍՀՄ վաստակավոր ֆիգուրային սահքի մարզիչ Տատյանա Տարասովան մեկնաբանել է իր առողջության վերաբերյալ լուրերը։ Նրա խոսքերը փոխանցում է Sport24-ը։

«Ինչու՞ եք նման հարց տալիս 78-ամյա մարդուն։ Պարզապես ոտքս է ցավում։ Բայց ընդհանուր առմամբ լուրջ ոչինչ չկա։ Մեր երկրում շատ լավ բժիշկներ կան, այնպես որ ամեն ինչ նորմալ է», — նշել է Տարասովան։ Ավելի վաղ բազմաթիվ անգամներ հայտնվել էին տեղեկություններ Տարասովայի առողջական վիճակի վատթարացման մասին։ Հուլիսին տարածվել էր մի տեսանյութ, որտեղ նա երևում էր անվասայլակում․ օգնականը նրան տարել էր կինոռեժիսոր Ալեքսանդր Միտտայի հրաժեշտի արարողությանը։

Տարասովան 1975 թվականին ստացել է ԽՍՀՄ վաստակավոր մարզչի կոչում, իսկ 2008-ին ընդգրկվել է ֆիգուրային սահքի համաշխարհային փառքի սրահում։ Նրա սաներից են Օլիմպիական խաղերի չեմպիոններ Ալեքսեյ Յագուդինը, Իրինա Ռոդնինան, Ալեքսանդր Զայցևը (զույգերով սահք), ինչպես նաև Նատալյա Բեստեմյանովան ու Անդրեյ Բուկինը (պարեր սառույցի վրա)։