Որպես հայ ժողովրդի արժանի զավակ՝ Նիկիտա Սիմոնյանը պարծանքով իրեն հայ էր անվանում․ Եզրաս Սրբազան
Հասարակություն
Նոյեմբերի 26-ին Մոսկվայի Սբ. Խաչ եկեղեցում կատարվեց հոգեհանգստյան կարգ նշանավոր ֆուտբոլիստ և մարզիչ, Ռուսաստանի ֆուտբոլային միության առաջին փոխնախագահ, Մոսկվայի «Սպարտակի» լավագույն ռմբարկու Նիկիտա Սիմոնյանի հոգու խաղաղության և հանգստության համար:
Հավարտ արարողության՝ թեմակալ առաջնորդ Եզրաս սրբազանն իր հայրական օրհնությունը և մխիթարական խոսքն ուղղեց Սիմոնյան ընտանիքի անդամներին:
«Նիկիտա Սիմոնյանը մեզ թողեց իր մեծ, մաքուր հոգու լույսը։ Ինչպես ասում է Սուրբ Եփրեմ Ասորին. «Սիրտը մաքուր է Աստծո սիրուց»։ Եվ Նիկիտա Սիմոնյանը մեծ սեր տվեց մեզ բոլորիս։
Որպես հայ ժողովրդի արժանի զավակ՝ նա պարծանքով իրեն հայ էր անվանում, նույն այդ սիրով սիրում էր նաև Ռուսաստանը, և այս սերը փոխադարձ էր։
Անսասան բնավորությամբ Նիկիտա Սինոմյանն իր գործերով վկայեց, որ ընդհանուր բարօրության ծառայելը մարդուն բարձրացնում է աշխարհիկ ունայնությունից։ Անձամբ ինձ համար Նիկիտա Պավլովիչը մտերիմ, սիրելի մարդ էր, որին երբեմն անվանում էի իր իսկական հայկական անունով՝ Մկրտիչ Պողոսի: Նա ընդմիշտ կմնա մեր սրտում»,-ասաց Եզրաս սրբազանն իր խոսքում:
ՈՒՂԻՂ ԵԹԵՐ
Ամենադիտված 
«Գուստավ» ռեստորանի մենեջերը կանանց զուգարանում գաղտնի տեսանկարահանումներ է իրականացրել․ ՆԳՆ-ն ստուգում է տեղեկությունը
