Իշխանությունների կողմից ճղճիմ քայլ է մարդկանց մեքենայի ապակիները կոտրելը. Ահազանգում է Մանուկ Սուքիասյանը
Հասարակություն«Անցած տարվա ամռանը արձանագրել էինք մեքենայիս ապակու կոտրում։ Մտածել էինք, որ միգուցե խուլիգաններ են, որովհետև մեր շենքի բակում մոտ 30 մեքենա է կայանվում և ոչ մեկին ոչինչ չէր եղել»,- ֆեյսբուքյան ուղիղ եթերում ասաց Երևանի ավագանում «Մայր Հայաստան» խմբակցության ղեկավար Մանուկ Սուքիասյանը։
Նա հայտնեց, որ այն ժամանակ կասկածներ ուներ, որ կատարվածն իր քաղաքական գործունեության հետ է կապված, որովհետև միայն ապակին էին կոտրել, բայց մեքենայից ոչինչ չէին տարել։
«Ահա խնդրեմ՝ նախօրեին ԱԺ-ում ունեցած իմ ելույթից հետո նորից մեքենայիս ապակին կոտրել են, էլի ոչինչ չեն տարել մեքենայի միջից, կրկին հարևանությամբ կանգնած մեքենաները չեն վնասել, նրանցից ոչինչ չեն տարել»,-հայտարարեց Մանուկյանը՝ նշելով, որ առավոտյան համայնքային ոստիկաններն են իրեն տեղեկացրել դեպքի մասին և հրավիրել Ոստիկանության բաժին։
Նրա կարծիքով , նման ձևով փորձել են ինչ որ բան հասկացնեն, այն միանշանակ քաղաքական բնույթ ունի և չի բացահայտվելու, ինչպես նույն խմբակցության անդամ Գևորգ Ստեփանյանի մեքենայի հրկիզումը։
«Այդ ճղճիմության, ստորության, վախի դրսևորումները, որ ունեն էս իշխանությունները, որովհետև իրենք են պատասխանատվությունը կրում, մեկ տարվա մեջ երկու անգամ եղել է նման դեպք, նույն հեռահար ազդանշանն է։ Ամոթ է, վերջացրեք այս ամեն ինչը։ Շատ ճղճիմ քայլ է բազմաբնակարան շենքի դիմաց մարդկանց մեքենաների ապակիները կոտրելը. Հերիք չէ, որ երկիրը դարձրել էն նարկոշրջանառության, կամ խաղամոլության էպիկենտրոն, դեռ մի բան էլ թավշյա սեր ու թավշյա վախ են սերմանում մարդկանց մեջ, բայց լուսաբացը գալու է և Հայաստանը փոփոխություններ է տեսնելու»,- հայտարարեց Մանուկ Սուքիասյանը։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
