Տարեց տղամարդը թունավորվել է՝ հավատալով Chatbot-ի սխալ խորհրդին
Հասարակություն
Ճապոնիայի Նարա պրեֆեկտուրայում 70-ամյա մի տղամարդ թունավորվել է, երբ անտառում հավաքած սունկը սխալմամբ համարել է ուտելի՝ վստահելով արհեստական բանականությանը։ Տղամարդը մտածել էր, թե գտել է շիտակե կամ վեշենկա տեսակի սունկ, սակայն համոզված չլինելով՝ փորձել է ստուգել դրանք չաթ-բոտի միջոցով, գրում է Japan Today-ը։
Տեղական բուսաբանական այգում մասնագետները զբաղված էին և նրան խնդրել էին վերադառնալ ավելի ուշ, սակայն նա որոշել է չսպասել։ Սնկերի լուսանկարները ներբեռնելով մի նեյրոցանց, նա ստացել է պատասխան, թե դրանք «ամբողջովին անվտանգ» շիտակե կամ վեշենկա են։ Վստահելով այդ պատասխանին՝ տղամարդը տապակել է սնկերը և փորձել։ Մոտ կես ժամ անց նրա մոտ սկսվել են թունավորման ծանր ախտանշաններ, ինչի հետևանքով նա տեղափոխվել է հիվանդանոց։ Բարեբախտաբար, բժիշկները հաստատել են, որ թունավորումը վտանգավոր չի եղել, և տղամարդը արագ ապաքինվել է։
Վերլուծությունները ցույց են տվել, որ նա ուտել է թունավոր «օմֆալոտ ճապոնական» տեսակի սունկ, որը հաճախ շփոթում են ուտելի տեսակների հետ։ Մասնագետները շեշտում են՝ նեյրոցանցերը չեն կարող ապահովորեն տարբերել վտանգավոր բույսերը, ուստի ինքնուրույն հավաքած սնկերի դեպքում անհրաժեշտ է դիմել իրական մասնագետներին։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
