Սկսած հոկտեմբերի 22-ից արբանյակն արձանագրել է հրդեհի օջախներ հայ-ադրբեջանական շփման գծի երկայնքով․ «Հետք» (տեսանյութ)
ՀասարակությունԵվրոպական Copernicus համակարգը եւ, մասնավորապես, Sentinel 2 արբանյակը թույլ են տալիս տեսնել, թե ինչ է տեղի ունենում Գեղարքունիքի մարզի հյուսիսարեւելյան Ջիլ-Թթուջուր հատվածում հոկտեմբերի վերջին տասնօրյակից մինչեւ այսօր: Սկսած հոկտեմբերի 22-ից արբանյակն արձանագրել է հրդեհի օջախներ գլխավորապես հայ-ադրբեջանական շփման գծի երկայնքով, գրում է «Հետքը»։
«Մի հետաքրքիր հանգամանք. նոյեմբերի 8-ին վարչապետ Փաշինյանը հայտարարեց սահմանազատման միջոցով Արծվաշենի էքսկլավը վերադարձնելու մասին: Արբանյակային պատկերները ցույց են տալիս, որ ամսի 8-11-ի միջակայքում խոշոր հրդեհ է բռնկվել Վահան-Արծվաշեն (օկուպացված) միջդիրքային հատվածում: Հայկական դիրքերն այս հատվածում գերիշխող նիշերում են, միեւնույն ժամանակ արբանյակային պատկերներում երեւացող ծխի հետքերը թույլ են տալիս ասել, որ կրակը եկել է ադրբեջանական կողմից:
Արդեն նոյեմբերի 18-ին կարելի է տեսնել, որ Արտանիշի սահմանային հատվածից մինչեւ Ճամբարակ ու Թթուջուր շփման գիծն ամբողջ երկայնքով (առանց ընդհատումների) հրդեհված է:
Հոկտեմբերի 22-ից մինչ օրս հրդեհի մեծ ու փոքր օջախներ են արձանագրվել նաեւ Ջիլ-Թթուջուր ուղղության թիկունքային (շփման գծից հեռու) հատվածներում»,– գրում է լրատվամիջոցը:
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
