Ձերբակալվել են բջջային կապի աշտարակներ այրած պատանի դիվերսանտներ

Նովոսիբիրսկում ոստիկանությունը ձերբակալել է 15 տարեկան չորս պատանիների, ովքեր կասկածվում են բջջային կապի աշտարակներ այրելու մեջ։ Ինչպես հայտնում է ԳՄՎԴ-ի տարածաշրջանային վարչությունը «Լենտա.ռու»-ին, նրանց նկատմամբ հարուցվել են քրեական գործեր՝ Ռուսաստանի Դաշնության ՔՕ 281-րդ հոդվածի 1-ին և 2-րդ մասերով («Դիվերսիա») և 281.1-րդ հոդվածի 2-րդ մասով («Դիվերսիոն գործունեությանը օժանդակություն»):

Օրենսապահների տեղեկություններով՝ պատանիներից մեկը մեսենջերում աշխատանք էր փնտրում և այնտեղից ստացել էր հանձնարարություն՝ գումարի դիմաց հրդեհել բջջային կայանի սարքավորումը։ Նա այդ մասին պատմել է իր ծանոթին, որը գնացել է նշված հասցեով և կրակ է տվել կապի աշտարակի սարքավորումներին։ Մի քանի օր անց նա կրկին ստացել է նման հանձնարարություն։ Նրան ուղարկվել են նոր օբյեկտի կոորդինատները, որոնք պատանին փոխանցել է այլ ծանոթների, և վերջիններս նույնպես կատարել են հրկիզում։

Ավելի վաղ հաղորդվել էր, որ Սանկտ Պետերբուրգում՝ Շուշարի կայարանում, անհայտ անձինք հրդեհել էին դիզելային շոգեքարշ։