Կարմիր խավիարի սիրահարներին նախազգուշացնում են մահացու վտանգի մասին
Հասարակություն
Կարմիր խավիարում կարող են գտնվել անիզակիդներ՝ կլոր որդերի տեսակ, որոնք ապրում են ձկան մկաններում, ներքին օրգաններում և, այդ թվում, հենց խավիարում։ «Пятый канал»-ի հետ զրույցում մասնագետները նախազգուշացրել են այս նրբահամի սիրահարներին հնարավոր վտանգների մասին։
Մակաբույծների ներթափանցման հետևանքներից են եղնջացանը, ալերգիական ռեակցիաները, ինչպես նաև սրտխառնոցն ու լուծը։ Պարազիտոլոգ Եվգենի Մորոզովի խոսքով՝ նման ախտանիշների դեպքում անհրաժեշտ է անհապաղ դիմել բժշկի, քանի որ ինքնաբուժումը կարող է հանգեցնել ծանր և նույնիսկ մահացու հետևանքների։
Մասնագետները շեշտում են, որ վարակումից խուսափելու համար չպետք է խավիար գնել քաշով, շուկաներից կամ ինտերնետային հայտարարություններով։ Ապրանքը պետք է ձեռք բերել միայն խանութներից և նախընտրելի է վստահելի արտադրողներից։ Բարձրացնում է անվտանգությունը նաև ապակյա տարաների ընտրությունը, քանի որ թափանցիկ փաթեթավորումը թույլ է տալիս գնահատել ապրանքի տեսքը դեռ գնելուց առաջ։
Ավելի վաղ հաղորդվել էր, որ 2025 թվականի առաջին ինը ամիսներին Ռուսաստանում կարմիր խավիարի արտադրությունն աճել է՝ հասնելով 74,4 գրամի մեկ մարդու հաշվով։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
