Շնաձուկը մահացու հարձակվել է դելֆիններ նկարահանող զբոսաշրջուհու վրա
Հասարակություն
Ավստրալիայի Նոր Հարավային Ուելս նահանգում շնաձկան հարձակումը դարձել է շվեյցարացի զբոսաշրջուհու մահվան պատճառ։ CNN-ի հաղորդմամբ՝ ողբերգությունը տեղի է ունեցել նոյեմբերի 27-ի վաղ առավոտյան, երբ 25-ամյա աղջիկը ջրում նկարահանել է դելֆիններին՝ ափից ոչ հեռու։ Այդ պահին շնաձուկը հարձակվել է նրա վրա՝ պատճառելով անհետաձգելի մահացու վերքեր։
Աղջկա 26-ամյա ընկերն անմիջապես նետվել է օգնության, սակայն շնաձուկը հարձակվել է նաև նրա վրա՝ պատճառելով ծանր վնասվածքներ։ Ականատեսները հասցրել են տեղում առաջի օգնություն ցուցաբերել՝ տղամարդու ոտքին ժգուտ դնելով մինչև շտապօգնության ժամանումը։
Զբոսաշրջուհուն փրկել չի հաջողվել, իսկ տղամարդը ուղղաթիռով տեղափոխվել է հիվանդանոց՝ ծայրահեղ ծանր վիճակում։ Ավստրալիայում սա վերջին օրերի միակ միջադեպը չէ․ ավելի վաղ հաղորդվել էր, որ մի դպրոցական հրաշքով կենդանի է մնացել շնաձկան հարձակումից հետո՝ լուրջ վերքեր ունեցող ոտքով հասնելով ափ։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
