ՄԻԱՎ-ով ապրող Հայաստանի քաղաքացիների թիվը 5067 է. դեկտեմբերի 1-ը ՁԻԱՀ-ի դեմ պայքարի համաշխարհային օրն է
Հասարակություն
Այս տարի «Հաղթահարելով խոչընդոտները, վերափոխելով ՁԻԱՀ-ի դեմ պայքարի միջոցները» խորագիրն ունի ՁԻԱՀ-ի դեմ պայքարի համաշխարհային օրը:
Օրվա նպատակն է բարձրացնել իրազեկվածությունը, համերաշխություն ցուցաբերել ՄԻԱՎ/ՁԻԱՀ-ի դեմ պայքարում, խոսել հիվանդության կանխարգելման միջոցառումների, բուժման ու խնամքի մասին։
Վերջին տվյալներով` ՄԻԱՎ-ով ապրող ՀՀ քաղաքացիների թիվը 5067 է (հաշվարկային թիվը` 7300):
2025 թվականին տարաբնույթ աշխատանքներ են իրականացվել հակառետրովիրուսային (ՀՌՎ) դեղորայքի տրամադրման և ՄԻԱՎ-ի բուժման ապակենտրոնացման նպատակով, որպեսզի ապահովվի ամբողջ հանրապետության տարածքում ՄԻԱՎ-ով ապրող անձանց առավել մատչելի, անխափան ու բարձրորակ բուժօգնությունը։
Ծառայությունների բաշխման անհավասարությունները նվազեցնելու, վաղ հայտնաբերման և բուժման ծածկույթը բարձրացնելու, ինչպես նաև վիրուսի փոխանցման վերահսկելի մակարդակը հանրային առողջության համակարգում պահպանելու համար արվում են հետևյալ քայլերը.
- Տարածքային բուժական կենտրոնների ներուժի ուժեղացում, մասնագետների վերապատրաստում և կլինիկական ուղեցույցների ներդրում։
- ՀՌՎ դեղորայքի լոգիստիկ շղթայի օպտիմալացում՝ ներառյալ պահեստավորման, բաշխման և հաշվառման արդիականացված համակարգերի ներդրում։
- Մարզային և համայնքային մակարդակներում ապակենտրոնացված ծառայությունների հասանելիության ընդլայնում, որպեսզի բուժում սկսելու և շարունակական մոնիթորինգ ապահովելու համար պացիենտներն այլևս չկենտրոնանան բացառապես մայրաքաղաքում։ Հիվանդակենտրոն մոտեցումների զարգացում՝ ներառյալ խորհրդատվական, հոգեբանական, սոցիալական և համակցված ծառայությունների ինտեգրում։
- Թվայնացման գործընթացներ, որոնք նպաստել են հիվանդների բուժման ավելի ճշգրիտ վերահսկմանը, դեղորայքային պաշարների կառավարմանը և տվյալների որակի բարելավմանը։
Հայաստանում բուժօգնությունն իրականացվում է պետական պատվերով` բուժառուի համար բացառապես անվճար:
Մշտապես կազմակերպվում են հանրային միջոցառումներ, որոնց ընթացքում շարժական բուժախտորոշիչ կլինիկաներում անցկացվում են անանուն, անվճար հետազոտություններ։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
