Ռուսաստանի ամենատարեց կինը՝ Կլավդիա Գադյուչկինան, մահացել է 114 տարեկանում

Յարոսլավլի մարզում մահացել է Ռուսաստանի ամենատարեց կինը՝ Կլավդիա Գադյուչկինան, ով համարվում էր երկրի ամենածեր բնակիչներից մեկը։ Նրա մահվան մասին հայտնել է YarNews-ը՝ հղում անելով տատիկի թոռնուհուն։ Գադյուչկինան կյանքից հեռացել է 2025 թվականի նոյեմբերի 29-ին։

Տարեց կինը պնդում էր, որ ծնվել է 1909 թվականի նոյեմբերի 24-ին, և այդ օրը ամեն տարի նրան շնորհավորում էին մարզային և քաղաքային կառույցները։ Սոցցանցերում անգամ նշվում էր, որ նա դարձել է 116 տարեկան, սակայն տվյալներն այնքան պարզ չէին, որքան թվում են առաջին հայացքից։

Եվրոպական երկար ապրող մարդկանց կազմակերպությունը ներկայացրել էր այլ վարկած․ ըստ նրանց ուսումնասիրությունների՝ Գադյուչկինան կարող էր ծնվել 1910 թվականի դեկտեմբերի 5-ին։ Այդ դեպքում նրա մահվան պահին իրական տարիքը եղել է 114, ինչը, ինչպես նշում են մասնագետները, նրան դարձնում է բացառիկ երկարակյաց՝ անկախ տարբեր հաշվարկներից։