Երիտասարդների ինտիմ վարքագիծը փոխվում է․ հասունացման գործընթացը ավելի ուշ է սկսվում

«Գեդեոն Ռիխտեր» ընկերության և «ՆԱՖԻ վերլուծական կենտրոն»–ի սոցիոլոգիական ուսումնասիրությունը ցույց է տվել, որ ռուս երիտասարդների ինտիմ կյանքի սկիզբը տարեցտարի ընդացքում ավելի ուշ է տեղափոխվում։ 3 հազար մասնակցով հարցումը ցույց է տվել, որ երիտասարդները նման փորձ ձեռք են բերում հիմնականում 18–23 տարեկանում, իսկ «զումեր» սերունդը այս փուլը նույնիսկ հետաձգում է։

Հետազոտության տվյալներով՝ հարցված երիտասարդների 19 տոկոսը դեռևս որևէ փորձ չունի, իսկ 7 տոկոսը դժվարացել է պատասխանել։ Գենդերային լեզվաբանության մասնագետ Վալերի Եֆրեմովը նշել է, որ զումերները համարվում են սեռական կյանքի նկատմամբ ամենաքիչ հետաքրքրված սերունդը, իսկ պատճառները գիտնականները կապում են բարձր անհանգստության, պատասխանատվության մեծ բեռի, երկարատև պատանեկան շրջան ու ուշ հասունացման հետ։

Ուսումնասիրությունը նաև ցույց է տվել, որ ռուսաստանցիների ընդհանուր բավարարվածությունը իրենց անձնական կյանքի որակից նվազել է՝ 39 տոկոսից հասնելով 34 տոկոսի, և զույգերի մոտ խնդիրների բաժինը աճել է մինչև 29 տոկոս։ Ըստ «Գեդեոն Ռիխտեր»-ի հաղորդակցության բաժնի ղեկավար Աննա Պոխիտոնովայի՝ դա վկայում է, որ մարդիկ ավելի հաճախ ընտրում են հոգեբանորեն գիտակից և պատասխանատու մոտեցում հարաբերությունների նկատմամբ։