Ռուս գրող Բորիս Ակունինը Մոսկվայում հեռակա դատապարտվել է 15 տարվա ազատազրկման

Մոսկվայի դատարանը հեռակա դատավճիռ է կայացրել ռուս գրող Բորիս Ակունինի նկատմամբ՝ նշանակելով 15 տարվա ազատազրկում։ Ինչպես հայտնում է 112 Telegram–ալիքը, Ակունինը մեղավոր է ճանաչվել «օտարերկրյա գործակալների մասին» օրենքի խախտման, ինչպես նաև ահաբեկչական գործունեությանը նպաստելու և ահաբեկչության արդարացման հոդվածներով։ Գրողը Ռուսաստանում ճանաչված է օտարաgործակալ և ներառված է Ռոսֆինմոնիթորինգի ահաբեկիչների ու ծայրահեղականների ցանկում։

Դատական որոշման համաձայն՝ Ակունինը մեղադրվել է մի շարք հրապարակային հայտարարությունների համար, որոնք քննությունը գնահատել է որպես ահաբեկչության արդարացում։ Քանի որ նա գտնվում է արտասահմանում, դատավարությունը անցկացվել է հեռակա, իսկ դատարանի վճիռը ենթադրում է կալանքի կիրառություն նրա ՌԴ տարածք վերադառնալու դեպքում։

Նշենք, որ այս գործով սա առաջին դատավճիռը չէ։ Հուլիսի 14-ին Ակունինը արդեն հեռակա դատապարտվել էր 14 տարվա ազատազրկման և ստացել 400 հազար ռուբլու տուգանք։ Նոր դատավճիռով պատժի ժամկետը երկարացվել է մեկ տարով՝ հասնելով 15 տարվա։