18-ամյա բրիտանացի զբոսաշրջիկը Ռումինիայի լեռներում օգնության ազդանշան է ուղարկել և անհետացել Դրակուլայի ամրոցի մոտ

18-ամյա զբոսաշրջիկը Մեծ Բրիտանիայից անհետացել է Ռումինիայի լեռներում՝ մոտ Բրան ամրոց, որը հայտնի է Դրակուլայի լեգենդով։ Ինչպես գրում է The New York Post, Բրիստոլի համալսարանի ուսանող Ջորջ Սմիթը նոյեմբերի 23-ին մեկնել է միայնակ արշավի: Ճանապարհին նա հասցրել է ուղարկել ահազանգ՝ տեղեկացնելով, որ մոլորվել է և սկսել մրսել։

Փրկարարական որոնումները շարունակվում են արդեն մի քանի օր, սակայն մինչ այժմ հայտնաբերվել է միայն նրա սննդով ու իրերով լցված ուսապարկը։ Գործողությունները բարդանում են քամոտ ու սառնամանիք եղանակի պատճառով․ որոնվող լեռնային արահետում ձյան խորությունը որոշ հատվածներում հասնում է երկու մետրի, ինչը խիստ դժվարացնում է որոնող խմբերի աշխատանքը։

Հատկանշական է, որ դեպքից առաջ Սմիթը հայտարարել էր, որ ուզում է սեփական ուժերով հասնել Դրակուլայի ամրոց՝ ուսումնասիրելու այդ տարածքը։ Այս պահին որոնողափրկարարական աշխատանքները շարունակվում են, իսկ երիտասարդի գտնվելու վայրը մնում է անհայտ։