Աղբն այրած աշխատակիցները ենթարկվել են կարգապահական տույժի
Հասարակություն
«Երևանի աղբահանություն և սանիտարական մաքրում» ՀՈԱԿ-ից հայտնում են.
«Այսօր համացանցում տարածված տեսանյութում արձանագրված դեպքի կապակցությամբ, որտեղ Աջափնյակ վարչական շրջանի տարածքում «Երևանի աղբահանություն և սանիտարական մաքրում» համայնքային հիմնարկի երեք աշխատակիցների կողմից իրականացվել է աղբի այրում, հայտնում ենք հետևյալը․
Տեսանյութում երևացող երեք աշխատակիցները ենթարկվել են կարգապահական տույժի, իսկ տվյալ տարածքի պատասխանատու անձը՝ խիստ կարգապահական տույժի։
Հատկապես ընդգծում ենք, որ համայնքային հիմնարկի բոլոր աշխատակիցները պատշաճ կերպով իրազեկված են, որ աղբի այրումը, ինչպես նաև անձրևատարերում աղբի կուտակումը խստիվ արգելված է և հակասում է օրենքով սահմանված նորմերին ու հիմնարկի ներքին կարգին։
Հայցում ենք Ձեր ներողամտությունը համայնքային հիմնարկի աշխատակիցների կողմից կատարված անթույլատրելի գործողությունների համար։
«Երևանի աղբահանություն և սանիտարական մաքրում» համայնքային հիմնարկը ձեռնարկում է անհրաժեշտ միջոցներ՝ նման դեպքերի կանխարգելման և վերահսկողության մեխանիզմների առավել արդյունավետ գործարկման նպատակով»։
ՈՒՂԻՂ ԵԹԵՐ
Ամենադիտված 
Ես տրամադրված եմ լքել ԱՄՆ–ն, Հայաստանը մեր ձեռքից գնում է․ Վարդան Ղուկասյան
