Վիրաբույժը նշել է՝ որ պլաստիկ վիրահատությունն է դարձել ամենատարածվածը տղամարդկանց շրջանում

Պլաստիկական վիրաբույժ Կլաուդիա Կիմը New York Post–ին տված հարցազրույցում հայտնել է, որ տղամարդկանց շրջանում ամենատարածված պլաստիկ միջամտությունը կրծքի չափի նվազեցումն է՝ կապված գինեկոմաստիայի հետ։ Բժշկի խոսքով՝ այս վիճակն կարող է հանդիպել շատ տղամարդկանց մոտ և հաճախ պայմանավորված է դեռահասության շրջանում հորմոնային անհավասարակշռությամբ, որը մեծանալուն զուգահեռ ինքնուրույն կարող է մեղմանալ։

Սակայն Կիմը ընդգծում է, որ որոշ դեպքերում գինեկոմաստիան զարգանում է արդեն հասուն տարիքում։ Հնարավոր պատճառներն են որոշ դեղամիջոցների օգտագործումը, ավելաքաշը, ալկոհոլի կամ թմրամիջոցների չարաշահումը։ Թեպետ քաշի նվազեցումը կարող է նվազեցնել կրծքի շրջանում կուտակված ճարպային հյուսվածքը, վիրաբույժը նշում է, որ ձևափոխված հյուսվածքը ամբողջությամբ չի վերանում առանց վիրաբուժական միջամտության։

Կիմը նաև նկատել է, որ 2020 թվականից հետո տղամարդկանց հետաքրքրությունը այս տեսակի վիրահատությունների նկատմամբ աճել է․ նա դա կապում է այն փաստի հետ, որ թեման ավելի բաց է քննարկվում ինտերնետում։ Ավելի վաղ դիետոլոգ Ռենատո Լոբոն խորհուրդ էր տվել տղամարդկանց սննդակարգում ներառել ձու, սպանախ և սաղմոն՝ նշելով, որ այս մթերքները նպաստում են հորմոնային հավասարակշռությանը։