Ալեքսանյանը նոր մոլ է կառուցում․ նախագիծը ՇՄԱԳ փորձաքննության է ներկայացվել․ Factor.am

Սամվել Ալեքսանյանը նախատեսում է հերթական մոլը կառուցել։ Այն լինելու է Փարաքար համայնքի Թաիրով բնակավայրում։ Նախագիծը ներկայացվել է ՇՄԱԳ փորձաքննության։ Դիմողը «Սամ-Շող» ՍՊԸ-ն է։ Գրում է factor.am-ը։

Ըստ պետռեգիստրի՝ այն հիմնադրել է Սամվել Ալեքսանյանի կինը՝ Շողերինա Մկրտչյանը, 2022 թվականին։ Հողամասի ընդհանուր մակերեսը 10 629,68 քմ է։ Շինության առաջին հարկում նախատեսվում են սուպերմարկետ և այլ առևտրի տաղավարներ, իսկ երկրորդ հարկում՝ ֆուդկորտ։ Ի դեպ, նախագծում նշված է, որ կառույցի նկուղային հարկը պատերազմական ժամանակներում կարող է ծառայել որպես ապաստարան։