Ազատազրկված անձինք առցանց շրջայց են կատարել Կոմիտասի թանգարան-ինստիտուտում

ՀՀ արդարադատության նախարարության քրեակատարողական հիմնարկներում պահվող ազատազրկված անձանց համար կազմակերպվել էր առցանց այցելություն Կոմիտասի թանգարան-ինստիտուտ։

Շրջայցի ընթացքում էքսկուրսավարը մասնակիցներին ներկայացրել է թանգարանի ութ թեմատիկ սրահները, որտեղ արտացոլված են Կոմիտասի կյանքի ուղին և մասնագիտական հարուստ գործունեությունը։

Ազատազրկված անձինք հնարավորություն են ունեցել ուսումնասիրելու Կոմիտասի և նրա ժամանակակիցների ուրույն կապը, ծանոթանալու նրա բանահավաքչական ու կոմպոզիտորական գործունեությանը, ինչպես նաև զգալու նրա հոգևոր երաժշտությանը բնորոշ յուրահատուկ հոգեվիճակը։