ԱԺ-ում կրկին ներկայացվեց զինվորական ծառայությունը 1,5 տարի դարձնելու նախագիծը

«Զինվորական ծառայության և  զինծառայողի կարգավիճակի մասին» օրենքում փոփոխություն կատարելու մասին նախագիծը, որն ընդունվել է առաջին ընթերցմամբ, նախատեսում է շարքային կազմի պարտադիր զինվորական ծառայության 24-ամսյա  ժամետը փոխարինել 18-ամյա ծառայության ժամկետով՝ գործողությունը տարածելով 2026 թվականի հունվարի 1-ից հետո պարտադիր զինվորական ծառայության զորակոչվող քաղաքացիների վրա։ Ծառայության ժամկետի կրճատումը չի տարածվելու 2026 թ հունվարի 1-ի դրությամբ պարտադիր զինվորական ծառայության մեջ գտնվող զինծառայողների վրա։

Պաշտպանության և  անվտանգության հարցերի մշտական հանձնաժողովի այսօրվա նիստում կրկին քննարկվեց այս նախագիծը՝ ընդգրկվելու դեկտեմբերի 16-ին կառավարության նախաձեռնությամբ գումարվող Ազգային ժողովի արտահերթ նիստի օրակարգ։

Հանձնաժողովի նիստում նախագիծը ներկայացնող Սուրեն Պապիկյանն  ասաց, որ առաջին ընթերցման շրջանակում  օրենքի նախագծի վերաբերյալ պատգամավորնների կողմից առաջարկություններ չեն ներկայացվել, կառավարության նախաձեռնությամբ փոփոխություններ չեն կատարվել։

«Օրենքի նախագիծն այն կարևոր մասերից է, որ նպատակաուղղված է Հայաստանի բանակը պրոֆեսոինալ դարձնելուն, բխում է  կառավարության 5-ամյա ծրագրից։ Սա հանրային մեծ հետաքրքրություն ներկայացնող փոփոխություն է»,- նշեց նա։