Գյումրու համայնքապետարանը՝ տոնածառի շուրջ բարձրացած աղմուկի մասին
Հասարակություն
Գյումրու համայնքապետարանը հայտարարություն է արել, որում մասնավորապես ասվում է․
Սիրելի հայրենակիցներ,
համացանցում Գյումրու գլխավոր տոնածառի վերաբերյալ քննարկումները մեզ ստիպեցին անդրադառնալ խնդրին։
Ընդամենը օրեր անց, տոնածառը զարդարված և ողջ շքեղությամբ, կներկայացվի քաղաքին։
Բոլոր նրանք, հատկապես «Քաղաքացիական պայմանագիր» կուսակցության անդամները, ովքեր շահարկում են տոնածառի ներկայիս տեսքը՝ հաշվի չառնելով, որ առայժմ տեղադրված է միայն դրա կմախքը, լավ կանեն հիշել, թե անցած տարի երբ են վառվել Գյումրու գլխավոր տոնածառի լույսերը` դեկտեմբերի 24-ին։ Իսկ շահարկումները, թե մինչ այս պահը տոնածառը զարդարված չէ, ընդամենը փաստերը խեղաթյուրելու և տիկնիկավար խաղալու փորձեր են։
Բոլոր նրանք, ովքեր շահարկում են տոնածառի երկաթյա կմախքը, կարող են գալ լուսանկարվել սկզբում կմախքի , հետո արդեն զարդարված, վերջնական տեսքով ներկայացված տոնածառի մոտ։
Հարգելի գյումրեցիներ, քաղաքի հյուրեր,
մեկ անգամ ևս տեղեկացնում ենք, որ տոնածառի հիմնական կառուցվածքը պատրաստ է, և այն ընդամենը մի քանի օրվա ընթացքում կներկայացվի իր վերջնական տեսքով։
ՈՒՂԻՂ ԵԹԵՐ
Ամենադիտված 
«Անցած գիշեր Գյումրիի երկնքում բնակիչները ֆիքսել են այսպիսի լուսին». Գագիկ Սուրենյան (տեսանյութ)
