Ժնևում ներկայացվել է ՄԻՊ-ի և զինված ուժերում մարդու իրավունքների պաշտպանության համակարգի ինստիտուցիոնալ ամրապնդման կարևորությունը
Հասարակություն
Մարդու իրավունքների պաշտպանի աշխատակազմի քրեական արդարադատության ոլորտում և զինված ուժերում մարդու իրավունքների պաշտպանության դեպարտամենտի ղեկավար Արամ Մինասյանը դեկտեմբերի 8-ից 12-ը Ժնևում (Շվեյցարիա) մասնակցել է «Անվտանգության ոլորտի կառավարման և վերահսկողության խթանումը Հայաստանում» թեմայով ճանաչողական այցին։
Ճանաչողական այցին մասնակցել են պետական կառավարման մարմինների, իրավապահ համակարգի, խորհրդարանական հանձնաժողովների, միջազգային կազմակերպությունների և քաղաքացիական հասարակության ներկայացուցիչներ, ինչպես նաև տեղական ու միջազգային փորձագետներ։
Մարդու իրավունքների պաշտպանի ներկայացուցիչը, որպես հիմնական զեկուցող, հանդես է եկել ելույթով։ Ներկայացվել են զինված ուժերում մարդու իրավունքների պաշտպանությանը վերաբերելի խնդիրները, ինչպես նաև այդ ոլորտում Օմբուդսմանի (Մարդու իրավունքների պաշտպանի) հաստատության ու զինված ուժերում մարդու իրավունքների պաշտպանության համակարգի ինստիտուցիոնալ ամրապնդման կարևորությունը։
Քննարկումները վերաբերել են Հայաստանի անվտանգության ոլորտում ընթացող բարեփոխումների համար հատկապես կարևոր թեմաների` հիմնված ընտրված երկրների օրինակներից քաղված դասերի վրա։
Միջոցառումն իրականացվել է Անվտանգության ոլորտի կառավարման Ժնևյան կենտրոնի (DCAF) կողմից Հայաստանում իրականացվող աջակցության ծրագրի շրջանակներում՝ Գերմանիայի և Ֆրանսիայի կառավարությունների ֆինանսական աջակցությամբ։
ՈՒՂԻՂ ԵԹԵՐ
Ամենադիտված 
Ընտանիք․ Անահիտ Կիրակոսյանի նախկին ամուսինը նոր լուսանկար է հրապարակել (Լուսանկար)
