Մեծ է Սուրբ Էջմիածնի ներկայությունը հայ ազգի պատմության մեջ․ սրբազանները մահ և հալածանք են տեսել

«Սրբազան պայքար» շարժում տարածել է Բագրատ Սրբազանի խոսքերը՝ կալանավորվելուց 3 օր առաջ․

«Կալանավորվելուց առաջ Սրբազանն ասում էր (22.06.2025). Սրբազանները մահ և հալածանք են տեսել․

«Սրբազանները մահ և հալածանք են տեսել, ամեն ինչ տեսել են: 1937թ-ին, երբ մեծ հալածանքներ էին Հայ Եկեղեցու նկատմամբ, գնդակահարվում, հալածվում, անարգվում, զրպարտվում էին մեր Սրբազաններ:

Բագրատ արքեպիսկոպոս Վարդազարյան, Արտակ արքեպիսկոպոս Սմբատյանց… գնդակահարվում էին Պետական Անվտանգության կոմիտեի նկուղներում, նրանց հոգևոր եղբայրներից մեկը` Թադևոս եպիսկոպոս Մարտիրոսյանը, իր վերջին վայրկյանի նշանավոր խոսքերն է ասել, որոնք մնացել են որպես ուղենիշ, ասելով. «Մեծ է Սուրբ Էջմիածնի ներկայությունը հայ ազգի պատմության մեջ: Անցել են շատ թշնամական ժամանակներ, սրանք էլ կանցնեն, մենք էլ ձեզ հետ կանցնենք, բայց Սուրբ Էջմիածինը կմնա հավիտյանս»,- ասել է Բագրատ Սրբազանը։