Տեր Վրթանեսը սրտամկանի ինֆարկտ է ստացել․ Շտապ վիրահատության են տանում․ Հրապարակ

Տեր Վրթանեսը սուր սրտամկանի ինֆարկտ է ստացել, այս պահին Սլավմեդում է, սակայն, որքանով ես եմ տեղեկացված, տեղափոխելու են Իզմիրլյան կետնրոն՝ վիրահատություն անելու»,-այս մասին «Հրապարակի» հետ զրույցում ասաց Արագածոտնի թեմի հոգևորական, 44-օրյա պատերազմի մասնակից տեր Մանուկ քահանա Զեյնալյանը:

Տեր Վրթանեսին ստենդավորելու են՝ շատպ վիրահատություն է ցուցված:
Տեր Վրթանեսը կրծքավանդակի շրջանում ծակոցներ էր զգացել այն ժամանակ, երբ Փաշինյանի աջակիցները գրոհել էին Մայր Աթոռը ու հրոսակախմբի նման փորձել էին կոտրել դուռը, սակայն շտապօգնությունն էլ բավականին ուշացել էր, ինչի հետևանքով Տեր Վրթանեսի ինքնազգացողությունը վատացել էր:

«Մեր ձևով» շարժման համակարգողներից Գոհար Մելոյանը «Հրապարակի» հետ զրույցում նշեց, որ Տեր Վրթանեսի վիճակի վատթարացման գլխավոր պատճառը  շտապօգնության մեքենայի շատ ուշանալը:

«Շտապօգնության մեքենան եկել էր, սակայն ոստիկանները ճանապարհ չէին բացել, որ մտնի, հետո թույլ չէին տվել, այդ պատճառով էլ գնալով վատացավ Տեր Վրթանեսի վիճակը, սարսափելի ցավեր ուներ  կրծքավանդակի շրջանում»,-ասաց Մելոյանը:
Տեր Վրթանես քահանա Բաղալյանը Արագածոնտի թեմի հոգևորականներից է՝ Բյուրականի Սուրբ Հովհաննես եկեղեցու քահանան ու պատերազմի մասնակից:  Նա մեկն էր Արագածոտնի թեմի այն քահանաներից, ով չնայած վկայի կարգավիճակ ուներ, բայց իրավապահները ներխուժել էին նրա տուն վաղ առավոտյան ու անհայտ ուղղությամբ տարել:
Բարեպաշտ Տեր Վրթանեսին առողջություն ենք մաղթում: