Մահացել է «Брат»-ի դերասան Վլադիմիր Երմիլովը

Ռուս  թատրոնի, կինոյի և հեռուստատեսության դերասան Վլադիմիր Երմիլով-ը մահացել է 66 տարեկան հասակում՝ դեկտեմբերի 21-ին։ Այդ մասին հայտնել է «Արգումենտի ի Ֆակտի» պարբերականը՝ հղում անելով դերասանի հարազատներին։ Նշվում է, որ մի քանի օր առաջ՝ դեկտեմբերի 19-ին, նա դուրս էր գրվել հիվանդանոցից, իսկ մահվան պատճառը կապված է եղել սրտի խնդիրների հետ։ Նախնական տվյալներով՝ հրաժեշտի արարողությունը կկայանա դեկտեմբերի 27-ին Սանկտ Պետերբուրգի Հյուսիսային գերեզմանատանը։

Վլադիմիր Երմիլովը լայն ճանաչում էր ձեռք բերել հատկապես երկրորդ պլանի վառ դերերով։ Դրանցից ամենահայտնին սկանդալային ամուսնու կերպարն էր Ալեքսեյ Բալաբանովի «Брат» ֆիլմում։ Նկարահանումների ընթացքում դերասանը պատահաբար վիրավորվել էր Սերգեյ Բոդրով կրտսեր-ի կողմից, ինչի մասին հետագայում բազմիցս հիշատակվել է մամուլում։

Երմիլովը ծնվել է 1959 թվականի օգոստոսի 14-ին Լենինգրադում։ 1983 թվականին ավարտել է Նիժնի Նովգորոդի թատերական ուսումնարանը և միացել Սանկտ Պետերբուրգի տիկնիկային «Թափառող շունիկը» թատրոնի խմբին։ Իր կարիերայի ընթացքում նա մասնակցել է շուրջ 85 նախագծի՝ ներառյալ «Կոտրված լապտերների փողոցները», «Բանդիտական Պետերբուրգ», «Քննության գաղտնիքները» սերիալները, ինչպես նաև «Մայոր Գռոմ․ Ժանտախտային բժիշկը» և այլ ֆիլմեր։