Թրամփը հայտարարել է Սուպեր բանականության ուժերի ստեղծման մասին
ԱՄՆ
ԱՄՆ նախագահ Դոնալդ Թրամփը հայտարարել է Սուպեր բանականության նոր կառույցի ստեղծման մասին։ Հայտարարությունը նա հրապարակել է Truth Social-ի իր էջում։
Թրամփի խոսքով՝ որոշումը հաջորդում է «Սպիտակ տան պատմական համաձայնագրին», որի շրջանակում աշխարհի խոշորագույն տեխնոլոգիական ընկերությունները հաստատել են ամերիկացի ժողովրդի հանդեպ իրենց պատասխանատվությունը։
Նոր կառույցի առաքելությունը կլինի համակարգել ԱՄՆ դաշնային կառավարության ջանքերը՝ ապահովելու համար, որ Միացյալ Նահանգները շարունակի առաջատար դիրք զբաղեցնել այս ոլորտում։
Նոր կառույցը համակարգելու է դաշնային կառավարության համագործակցությունը սպառողների, հանրային շահերի պաշտպանության խմբերի, կրոնական կազմակերպությունների, կարևոր ենթակառուցվածքների մատակարարների և արհեստական բանականության ոլորտում գործող ընկերությունների հետ։
Կառուցը կգլխավորեն Ազգային հետախուզության տնօրեն Ջեյ Քլեյթոնը, Առևտրի դաշնային հանձնաժողովի նախագահ Էնդրյու Ֆերգյուսոնը, Պատերազմի նախարարության հետազոտությունների և ճարտարագիտության հարցերով փոխնախարար և տեխնոլոգիաների գլխավոր տնօրեն Էմիլ Մայքլը, ինչպես նաև Անձնակազմի կառավարման գրասենյակի տնօրեն Սքոթ Կուպորը։
Թրամփը հավելել է, որ նշյալ անձինք բոլորը ենթարկվելու են Միացյալ Նահանգների նախագահին՝ այսինքն իրեն:
ՈՒՂԻՂ ԵԹԵՐ
Ամենադիտված 
Պաշտոնանկություն՝ Նիկոլ Փաշինյանի որոշմամբ
