Զինծառայողի մահվան դեպքով քրեական վարույթ է նախաձեռնվել

Զինծառայողի մահվան դեպքի առթիվ քրեական վարույթ է նախաձեռնվել, սակայն Քննչական կոմիտեն դեռ չի հստակեցնում՝ ինչ իրավական հիմքով է իրականացվում քննությունը՝ սպանության, թե ինքնասպանության վարկածով։

«Զինծառայողի մահվան դեպքի առթիվ նախաձեռնվել է քրեական վարույթ, կատարվում է նախաքննություն»,- 24News-ին հայտնել է Քննչական կոմիտեի նախագահի մամուլի քարտուղար Կիմա Ավդալյանը։

Հիշեցնենք՝ Պաշտպանության նախարարությունը հայտնել էր, որ հոկտեմբերի 10-ին ՊՆ N զորամասում հայտնաբերվել է զինծառայող Ա. Ղ.-ի դին՝ հրազենային վնասվածքով։ Զինծառայողի ընտանիքը սահմանված կարգով տեղեկացվել է դեպքի մասին։

Դեպքի հանգամանքները պարզելու նպատակով նախաքննությունը շարունակվում է։ Պաշտպանության նախարարությունը ցավակցություն և զորակցություն է հայտնել զինծառայողի ընտանիքին, հարազատներին ու ծառայակիցներին։

Ոչ պաշտոնական տեղեկություններով՝ դեպքը տեղի է ունեցել երեկ երեկոյան՝ Վարդենիսի զորամասում։