Երևանի քաղաքապետի աշխատավարձը կբարձրանա՝ հասնելով 2 միլիոն դրամ

Երևանի ավագանին ընդունել է քաղաքապետի աշխատավարձի բարձրացման նախագիծը։ Նոր որոշմամբ քաղաքապետի աշխատավարձը 1 միլիոն 320 հազար դրամից կդառնա 2 միլիոն դրամ՝ ավելանալով 680 հազար դրամով։

Ավագանու ընդդիմադիր խմբակցություններն առաջարկել են հարցը քննարկել որպես զեկուցվող, սակայն քվեարկության արդյունքում որոշվել է նախագիծը թողնել չզեկուցվող հարցերի փաթեթում։

Նախագիծն ընդունվել է 36 կողմ, 17 դեմ և 6 ձեռնպահ ձայներով։