Էդվարդ Կարապետյանը նշանակվել է Երևանի քննչական վարչության պետ

Էդվարդ Կարապետյանը նշանակվել է ՀՀ քննչական կոմիտեի Երևան քաղաքի քննչական վարչության պետ։

Կարապետյանը ծնվել է 1985 թվականի հուլիսի 25-ին՝ Լոռու մարզի Սպիտակ քաղաքում։ 2007 թվականին ավարտել է ՀՀ ոստիկանության ակադեմիան։

2025-2026 թվականներին նա զբաղեցրել է ՀՀ քննչական կոմիտեի Լոռու մարզային քննչական վարչության պետի պաշտոնը։ Մինչ այդ՝ 2023-2025 թվականներին, եղել է Երևան քաղաքի քննչական վարչության պետի տեղակալը։

Տարբեր տարիներին Կարապետյանը ղեկավարել է նաև Երևան քաղաքի քննչական վարչության ծանր հանցագործությունների և ճանապարհատրանսպորտային հանցագործությունների քննության բաժինները, ինչպես նաև պաշտոններ է զբաղեցրել Լոռու մարզի քննչական ստորաբաժանումներում։

2021 թվականին պարգևատրվել է ՀՀ վարչապետի հուշամեդալով։