Կաթողիկոսի եղբոր համար մեղադրողը պահանջում է 3 տարի 6 ամիս, եղբորորդու համար՝ 7 տարի 6 ամիս ազատազրկում

Հանրային մեղադրողը պահանջում է Գևորգ Ներսիսյանին դատապարտել 3 տարի 6 ամիս, իսկ Համբարձում Ներսիսյանին՝ 7 տարի 6 ամիս ժամկետով ազատազրկման։

Գևորգ Ներսիսյանը Ամենայն հայոց կաթողիկոսի եղբայրն է, իսկ Համբարձում Ներսիսյանը՝ եղբորորդին։ Վերջինիս դեպքում պահանջվող պատժաչափին առաջարկվում է գումարել նաև մեկ այլ քրեական գործով պայմանականորեն չկիրառված պատիժը։

Հաջորդ դատական նիստը նշանակված է հոկտեմբերի 22-ին՝ ժամը 15։00-ին։ Նիստի ընթացքում դատարանը կլսի նաև պաշտպանական կողմի դիրքորոշումը, որից հետո կհեռանա խորհրդակցական սենյակ։

Ավելի վաղ, դատավոր Գևորգ Մանուկյանի նախագահությամբ, Գևորգ և Համբարձում Ներսիսյանների նկատմամբ մեղադրական վերդիկտ էր կայացվել։