Հայաստանի և Ադրբեջանի միջև գոյություն ունեցող անկլավ-էքսկլավների հարցը խաղաղության պայմանագրի ստորագրման համար խոչընդոտ չէ. Միրզոյան

Հայաստանի և Ադրբեջանի միջև գոյություն ունեցող անկլավների և էքսկլավների հարցը խաղաղության պայմանագրի ստորագրման համար խոչընդոտ չէ։ Այս մասին լրագրողների հետ զրույցում հայտարարել է Հայաստանի արտաքին գործերի նախարար Արարատ Միրզոյանը։
«Սա զգայուն հարց է, որը բոլորիս հետաքրքրում է։

Եթե տարածքների փոխանակում տեղի ունենա, այդ հարցը պետք է համաժողովրդական քվեարկության դրվի։ Անկլավներն ու էքսկլավները, նույնիսկ եթե երկրների միջև հարաբերությունները հրաշալի են, տեխնիկապես բարդացնում են նրանց կյանքը։ Դուք գիտեք Ադրբեջանի խոսույթը․ նրանք ասում են՝ քանի դեռ Սահմանադրությունը չեք փոխել, խաղաղության համաձայնագիրը չենք ստորագրի։ Բայց չէ՞ որ չեն ասել, թե մինչև անկլավների հարցը չլուծվի, չեն ստորագրի»,- նշել է Միրզոյանը։Ավելի վաղ Հայաստանի վարչապետ Նիկոլ Փաշինյանը հայտարարել էր, որ Հայաստանի և Ադրբեջանի միջև գոյություն ունեցող անկլավների և էքսկլավների փոխանակման հարցը բանակցային գործընթացում քննարկվող տարբերակներից մեկն է։