Թուրքիայում երկրաշարժի պատճառով 7 հարկանի տուն է փլվել. կան բազմաթիվ զոհեր և վիրավորներ (ֆոտո, վիդեո)

Ինչպես արդեն հաղորդել է ԼՈՒՐԵՐ.com-ը, Թուրքիայի արևելյան շրջաններում տեղի է ունեցել ուժեղ երկրաշարժ։ Երկրաշարժի էպիկենտրոնը եղել է Վան քաղաքից 35 կմ դեպի հյուսիս արևելք։

Վանի քաղաքապետը հայտնել է, որ ստորգետնյա ցնցումների արդյունքում 7 հարկանի տուն է փլվել, կան բազմաթիվ զոհեր և վիրավորներ։

Վանում և հարակից շրջաններում քաոս է տիրում. մարդիկ սարսափահար լքել են տները։ Ցնցումների կրկնման վտանգի պատճառով Սեյսմոլոգները մարդկանց հորդորում են չվերադառնալ տները և մոտակա ժամանակում մնալ բաց տարածքներում։