Սուտ խոսելով չէ, բոլորս էլ հիշում ենք խմբակցության նիստերը. Իվետա Տոնոյան

«Ինձ համար կոնկրետ, խիստ անհասկանալի է պարոն Բագրատյանի որոշումը: Նա նշում է ինչ-որ սկզբունքային անհամաձայնությունների մասին, բայց մինչև ԲՀԿ-ի ամենավերջին քաղաքական խորհրդի նիստը, որին մասնակցել է պարոն Բագրատյանը, որևէ նախադեպ չի եղել, որ ինքը այս կամ այն հարցի հետ կապված իր սկզբունքային անհամաձայնությունը արտահայտի, ավելին՝ եղել է 100%-անոց համաձայնություն և աջակցություն բոլոր այն քաղաքական որոշումներին, որոնք կայացվել են ԲՀԿ կուսակցության քաղաքական խորհրդի կողմից»,- ԼՈՒՐԵՐ.com-ի հետ զրույցում ասաց ԲՀԿ-ական պատգամավոր Իվետա Տոնոյանը՝ անդրադառնալով պատգամավոր Սերգեյ Բագրատյանի ԲՀԿ խմբակցությունից դուրս գալուն:

Մեր հարցին, թե եղել է՝ ԲՀԿ-ական պատգամավորները իրենց անհամաձայնությունը հայտնեն Սերգեյ Բագրատյանի առաջարկներին, Տոնոյանը պատասխանեց. «Ընդհանրապես, բոլոր որոշումները քաղաքական խորհրդում ընդունվում են կոնսենսուսի միջոցով, բոլորը ազատ են իրենց կարծիքը կամ առաջարկը ներկայացնելու հարցում, և բոլոր որոշումները կայացվում են քննարկումների արդյունքում»:

«Մենք ընդհանրապես, անգամ չենք մեկնաբանել այս օրերին պարոն Բագրատյանի՝ խմբակցությունից դուրս գալու վերաբերյալ այն դիմումը, որով դիմել էր ԱԺ-ի նախագահությանը, որովհետև կարծել ենք, որ ավելի ազնիվ կլինի՝ պարոն Բագրատյանը ինքը ներկայացնի այն պատճառներն ու շարժառիթները, որոնցով ինքը առաջնորդվել է, և կոնկրետ այս դեպքում մեզ համար շատ անհասկանալի էր այն փաստարկները, որոնք այսօր բերել էր պարոն Բագրատյանը, մասնավորապես, սկզբունքային անհամաձայնությունների և դիրքորոշումների հետ կապված»,- նկատեց ԲՀԿ-ական պատգամավորը:

«Պարոն Բագրատյանը վերջին 1 ամսվա ընթացքում խորապես անհասանելի է եղել և ես, առավել քան, վստահ եմ, որ տևական ժամանակահատված դեռ կշարունակի անհասանելի լինել, որովհետև իր այս ներկայացրած դիրքորոշումը, որևէ քննադատության չի դիմանում, որովհետև մենք՝ խմբակցության բոլոր անդամներս, փառք Աստծո, ողջ ենք և բոլորս էլ հիշում ենք խմբակցության նիստերը, որին մենք մասնակցել ենք միաժամանակ: Կարծում եմ՝ այսպես սուտ խոսելով չէ՝ իբրև սկզբունքային անհամաձայնություններ են եղել և այլն, բոլորս շատ լավ հիշում ենք, որ պարոն Բագրատյանը երբևէ որևէ սկզբունքային անհամաձայնություն չի ունեցել. սա պարզապես մանդատը պահելու նպատակով արված քայլ է, ոչ ավելին»,- եզրափակեց Տոնոյանը:

Մինչ կխոսեինք Իվետա Տոնոյանի հետ, փորձեցինք կապվել Սերգեյ Բագրատյանի հետ, սակայն նա մեր հեռախոսազանգերին չպատասխանեց: 

Արփինե Հակոբյան

Այս թեմայով Քննարկվում է արդյո՞ք տնտեսության հսկաների վերագործարկման հարցը. Սերգեյ Բագրատյան Ինչու են այս ընտրություններին մասնակցում ռեկորդային թվով կուսակցություններ «Քիչ առաջ ռուսների մեքենաներ բարձրացան»․ Կութ համայնքի ղեկավար «Ադրբեջանական զինված ուժերը շարունակում են մնալ նույն տեղում. այս պահին իրավիճակը հանգիստ է» 6 զինծառայողների գերեվարումը կապ ունի՞ Իրանի ԱԳ նախարարի՝ Հայաստան կատարած այցի հետ Թշնամին տեսնում է, որ հայկական կողմը չի պատասխանում՝ ավելի է լկտիանում. ռազմական փորձագետ Թշնամին կրակել է Կութ գյուղի ուղղությամբ, պատասխանել ենք․ Գեղամասարի համայնքապետ Ովքեր չեն ընդգրկվել ՔՊ ցուցակում Վահե Ղալումյանը վարչապետի պաշտոնակատարից ժողովրդին ուղերձներ հղելու հրաման է ստացել․ «ԼՀԿ»-ական պատգամավոր Մեր տղերքն ադրբեջանցիներին ասել են՝ դուք այստեղ տարածք չունեք, գնացե՛ք. Խոզնավարի ղեկավար