Ինչո՞ւ են Տրդատիկին ցուցակում ընդգրկել, որ պատգամավոր դառնա, ու պատասխանատվության չենթարկվի՞. ծեծված փոխգնդապետի եղբայր

Եղեգնաձորում մոտ երկու տարի առաջ  ծեծի հետեւանքով կոմայի մեջ գտնվող փոխգնդապետ Արա Մխիթարյանի հարազատները դժգոհ են, որ Վայոց Ձորի նախկին  մարզպետը ներառվել է «Քաղաքացիական պայմանագիր» կուսակցության ցուցակում եւ պատգամավոր է դառնալու: NEWS.am-ի հետ զրույցում փոխգնդապետի եղբայրը, Կարեն Մխիթարյանն ասաց, որ Տրդատ Սարգսյանը ցանկանում է պատգամավորական անձեռնմխելիություն ստանա, այս գործով պատասխանատվությունից խուսափի:

«Ինչո՞ւ են Տրդատիկին ցուցակում ընդգրկել, որ պատգամավոր դառնա, ու Էս գործով պատասխանատվության չենթարկվի՞: Սպաները կանգնեցին, ասեցին, որ ինքը դեպքի վայրում է եղել, բայց ոչ մի ձեւ չհաստսատվեց էդ փաստը: Հիմա էլ ուզում է պատգամավորական անձեռնմխելիություն ունենա, որ էլ  ոչ մի ձեւ գործին չառընչվի: Տրդատը ինչքան գիտեմ Նաիրի Սարգսյանի հորեղբոր որդին է, դե Սուրեն Պապիկյանը էլ թիկնապահի պես պահում է իրեն »,-ասաց նա:

Կարեն Մխիթարյանը նշեց, որ գործը դատարանում է, 2 դատական նիստ հետաձգվել է, եւ որեւէ առաջընթաց չկա գործում:

Արա Մխիթարյանը 1 տարի 9 ամիս է, ինչ կոմայի մեջ է։

Այս գործով մեղադրանք է առաջադրվել Վայոց Ձորի նախկին մարզպետի օգնական Հարություն Գրիգորյանին, մեղադրյալի կարգավիճակում է նաեւ նրա եղբայրը՝ Զավեն Գրիգորյանը։ Միջադեպից մեկ շաբաթ անց Վայոց Ձորի մարզպետի պաշտոնից հրաժարական էր տվել Տրդատ Սարգսյանը, որը, ըստ շրջանառվող տեղեկությունների եւ որոշ վկայությունների՝ դեպքի վայրում է եղել։

Այդ վկայությունները տվել են դեպքին ականատես 4 սպաները, որոնք ասել են, որ նախկին մարզպետը եղել է դեպքի վայրում եւ հետեւել է միջադեպին` չկանխելով այն: ՔԿ-ն ժխտել էր այս հանգամանքը՝ հայտնելով, որ Վայոց ձորի նախկին մարզպետ Տրդատ Սարգսյանը 2019թ. սեպտեմբերի 17-ին տեղի ունեցած վիճաբանությանն ականատես չի եղել, դեպքի վայրում չի գտնվել:

Այս թեմայով Արտակարգ դեպք՝ Երևանում. դանակահարված ու ծեծված վիճակում «Աստղիկ» ԲԿ են տեղափոխվել երկու քաղաքացի «Օրենքով գողերի ռազբորկա»՝ Երևանում. հնչել են կրակոցներ. կան ծեծված օրենքով գողեր Հարվածների տեղատարափ ա եղել․ փաստաբանները մարմնի հատված չեն ունեցել, որ ծեծված չի եղել Հարգե´ք ձեզ ու ձեր ընտանիքներին. պատասխա´ն եք տալու ծեծված մարդուն բերման ենթարկելու համար «Ժողովուրդ». ՔՊ-ականները գինարբուք են կազմակերպել խորհրդարանում Անցել է 2 տարի, ինձ մի զանգ արե՞լ եք. դաժան ծեծված փոխգնդապետի հայրը՝ Տրդատ Սարգսյանին Աղմկահարույց նշանակում. նոր պաշտոնյաներն անելիք ունեն. «Հրապարակ» ՔՊ-ական պաշտոնյաներից ովքե՞ր են «ջրից չոր» դուրս եկել. մաս 1 Պապի կողմից դաժան ծեծի հետևանքով մահացած 6-ամյա երեխայի մայրը մահացել է «Էդ մարդը իրենց պետք է որպես բանդայի ղեկավար». ծեծված փոխգնդապետի հայրը` Տրդատ Սարգսյանին պաշտոնի նշանակելու մասին