Ես ավելի շատ հակված եմ վստահ լինել, որ անապահով խավի համար գազի սակագինը չի փոխվելու. Մհեր Գրիգորյան

ՀՀ փոխվարչապետ Մհեր Գրիգորյանը խոստանում է, որ սոցիալապես անապահով ընտանիքների համար գազի սակագինը չի փոխվի: Այս մասին Գրիգորյանն ասաց ԱԺ-ում կառավարության անդամների հետ հարցուպատասխանին՝ անդրադառնալով «Հայաստան» խմբակցության պատգամավոր Թադևոս Ավետիսյանի հարցին:

Ավետիսյանը նշեց, որ նախատեսվում է գազի սակագնի բարձրացում նաև սոցիալապես անապահով ընտանիք հանդիսացող սպառողների համար, 1 խմ-ի դիմաց 100 դրամի փոխարեն այն դառնալու է 133 դրամ: Նա հետաքրքրվեց, թե ի՞նչ նոր ծրագրեր կան՝ գազի գնի բարձրացման խնդրի մեղմման համար:

ՀՀ փոխվարչապետ Մհեր Գրիգորյանը նախ չհամաձայնեց պատգամավորի այն պնդմանը, թե գազի գնի շուրջ բանակցություններն անցել են ապարդյուն: «Նման գնահատականներ տալու համար պետք է գիտակցել, թե ինչքան է գինը պահպանվում սահմանին Հայաստանի համար, և ինչ գին ունի գազը այսօր աշխարհում՝ թե բորսայական, թե եվրոպական առանձին երկրների համար»,-ասաց փոխվարչապետը:

«Գազպրոմ Արմենիա»-ն ՀԾԿՀ-ին առաջարկ է ներկայացրել՝ գազի սակագնի բարձրացման վերաբերյալ: «Դոգմատիկ չէ, որ այդ հայտն ընդունվել է կամ ընդունվելու է այն ձևով, որով ներկայացվել է: Ես ավելի շատ հակված եմ վստահ լինել, որ անապահով խավի համար գազի սակագինը չի փոխվելու, և այդ հնարավորությունը կա»,-ասաց Գրիգորյանը՝ խոստանալով, որ անապահով խավի համար չի բարձրանալու:

Սահմանին գազի գինը 2022-ի համար մնում է նույնը: ««Գազպրոմ Արմենիան» ներկայացրել է հայտ, որով դեռևս 2013-ին սահմանված կալորիականության հաշվարկի կիրարկման խնդիր է դրվում: Կալորիականության հաշվարկի խնդիրն այնուամենայնիվ ենթադրում է, որ այլ հավասար պայմաններում գազի սպառման ծավալի պարագայում չի փոխվում գինը, սակայն իհարկե, չի բացառվում, որ սպառումը կաճի: Եվ այդ իմաստով ցանկացած հետևանք, կարծում եմ, հեշտությամբ, կչեզոքացվի»,-ասաց փոխվարչապետը:

Այս թեմայով Գրիգորյանը արձագանքել է՝ հնարավո՞ր է բացվող հաղորդակցությունների վերահսկողությունն իրականացնի ՌԴ ԱԴԾ Մհեր Գրիգորյանն ու Շահին Մուստաֆաևը կհանդիպեն Բրյուսելում Մհեր Գրիգորյանն ԱՄՀ հայաստանյան առաքելության ղեկավարի հետ քննարկել է մակրոտնտեսական վերջին զարգացումները Փոխվարչապետը կարևորել է ՄԱԿ-ի ներգրավումը ԼՂ բնակչության կարիքների հասցեագրման աշխատանքներում Մհեր Գրիգորյանն ու Ֆրանսիայի դեսպանը քննարկել են տնտեսական հարցերով ճանապարհային քարտեզի հարցը Մոսկվայում հանդիպել են Հայաստանի, Ադրբեջանի և Ռուսաստանի փոխվարչապետները «Մինչև օրվա վերջ կշտկեք խնդիրը»․ Մհեր Գրիգորյանը չընդառաջեց Ավանեսյանին, որը երկու օր էր խնդրել Մհեր Գրիգորյանն Իրանի դեսպանի հետ քննարկել է երկու երկրների համագործակցությունը Մհեր Գրիգորյանը մանրամասներ է ներկայացրել Հայաստանի, Ադրբեջանի ու ՌԴ փոխվարչապետերի միջև քննարկումներից Բացառիկ մանրամասներ` Հայաստանի և Ադրբեջանի փոխվարչապետների միջև սպասվող հանդիպման բովանդակության մասին