Ուզում եք առանց խոչընդոտների Արցախը հանձնե՞լ Ադրբեջանին. «Նի-կո՛լ Դա-վա-ճան» վանկարկումը գնալով ավելի ցայտուն է դառնում. Արտակ Զաքարյան

Նիկոլին խորհուրդ տվողները սկսել են արջի ծառայություն մատուցել: Կապիտուլյանտների խուճապը գնալով խորանում է, իսկ ուժային կառույցների, քննչական մարմինների որոշ ներկայացուցիչներ ավելի ու ավելի են բարդացնում իրենց ապագա վիճակը: Այս թեմայով գրառում է արել ՀՀ ՊՆ փոխնախարար Արտակ Զաքարյանը ֆեյսբուքի իր էջում։

«Երբեք հնարավոր չէր պատկերացնել, որ Հայրենիք հանձնող, բանակը կազմաքանդող, պետականություն կործանող, ազգային արժեքներ ապականող «քաղաքական» խունտան, օգտագործելով ոստիկանական, քննչական, հետաքննչական մարմիններին՝ կարող է ազգային ուժերի ներկայացուցիչների դեմ քաղաքական ռեպրեսիաներ սկսել:

Նույնիսկ սովետական տոտալիտար համակարգը Հայ Առաքելական Եկեղեցու կամ Հայրենիքի տարածքային ամբողջականության դեմ իր հզոր պատճիչ համակարգը չէր կիրառել:

«Նի-կո՛լ Դա-վա-ճան» վանկարկումը գնալով ավելի ցայտուն է դառնում: Դա երևում է նաև այս օրերին տարբեր քաղաքական և հասարակական գործիչներին՝ անհեթեթ պատրվակներով բերման ենթարկելով, ձերբակալելով, կամ քննչական մարմիններ հրավիրելով:
Խանգարե՞լ եք ցանկանում համազգային շարժմանը:

Ուզում եք առանց խոչընդոտների Արցախը հանձնե՞լ Ադրբեջանին:

Վա՞տ եք զգում, որ հայրենասեր քաղաքացիները բողոքում են ձեր նոր ստորացուցիչ համաձայնությունների դեմ:
Ձեզ միայն զոմբիացված զանգվածնե՞ր են պետք, որոնց մեջքի հետևում հանգիստ կործանեք իրենց և իրենց երեխաների անվտանգ ապագան:
Թե՞ այն աստիճան եք խրվել թուրք-ադրբեջանական խաղերի մեջ, որ պատրաստ եք նույնիսկ ապօրինություններով խեղդել քաղաքացիների խաղաղ անհնազանդությունը:

Իմացեք. այն փողը, որը վճարում եք ձեր անհայրենիք քարոզիչներին՝ թունավորված փող է և մի օր քթներից է գալու: Այն փողը, որը վճարում եք ուժային հատուկ ստորաբաժանումներին՝ հայրենատեր քաղաքացիների խաղաղ ակցիաները դաճանաբար ցրելու կամ բերման ենթարկելու համար՝ հարամ փող է ու մի օր քթներից է գալու:

Իմացեք, որ բնության մեջ ոչինչ հենց այնպես չի կորչում: Ազնիվ նպատակները անազնիվ միջոցներով ճնշողները հենց այդ նույն եղանակով պատժվելու են: Հետո թող ոչ մեկից չբողոքեն, թե ինչու է կյանքը իրենց նկատմամբ այդպես դաժան վարվել: Բնությունը սիրում է հավասարակշռություն. անարդարության պատասխանն անարդարությունն է լինելու, դաժանության պատասխանը՝ դաժանությունը:

Նիկոլը պատճվելու է: Նրան տեր չեն կանգնելու ոչ Վլադիմիր Պուտինը, ոչ Ջո Բայդենը, ոչ Շառլ Միշելը, ոչ Էրդողանը և ոչ էլ Ալիևը: Նրանք բոլորն էլ համարելու են, որ սեփական երկրի ու ազգի շահերի դեմ գործած ցանկացած ղեկավար՝ վաղ թե ուշ դատապարտվում է:

Նիկոլի տխրահռչակ իշխանությունը պաշտպանող տիկնա՛յք և պարոնա՛յք, դուք ճիշտ կանեք ձեր և ձեր երեխաների արժանապատվության մասին մտածեք»,-գրել նա:

Այս թեմայով Տարածքների կորուստների ֆոնին գեներալական կոչումները հուշում են, որ շուտով կբաժանվեն մարշալի կոչումներ․ Արտակ Զաքարյան Արտակ Բեգլարյանն իր ցավակցությունն է հայտնել Վանաձորի աղետից զոհվածների ընտանիքներին Էս կարմիր բերետը այսօր մարդկանց ծեծող ընկերներին զսպում էր, պաշտպանում անօրեն ու դաժան ծեծվողին․ Արշակ Զաքարյան Բարոյապես պարտված, քաղաքականապես սպառված և իրականությունից կտրված մարդու ելույթ էր․ Արտակ Զաքարյանը՝ Փաշինյանի ուղերձի մասին Շատ ոստիկանների համար Հայրենիքն ավելի կարևոր է, քան իշխանությունից ստացած էժանագին վախերը. Արտակ Զաքարյան «Յոթ տղամարդով ծեր կնոջ հախից մի կերպ եկան...»․ սա հայ ոստիկանի պատիվը ոտնահարող արարք է․ Զաքարյան Որոշ կճղակավորներ իրենց «տիրոջ» հետևի ոտքերի արանքում տեղավորվելու համար Սրբազանի ոտքերի վերքերի տեսանյութը մեկնաբանում են որպես մանիպուլացիա․ Արշակ Զաքարյան Կուսակցական շահեր այստեղ չկան, որն ինձ համար ամենակարևորն է. Արշակ Զաքարյան (տեսանյութ) Ողջունում ենք այն բոլոր նախաձեռնությունները, որոնք ազնիվ մղումով միտված են պետության գահավիժումը կասեցնելուն. Արտակ Զաքարյան 2021թ.-ին Նիկոլը «շանս էր տվել» մեր ժողովրդին՝ հրաժարվել թուրք-ադրբեջանական պարտադրվող օրակարգերից. Արտակ Զաքարյան