«Տղերքն ասացին՝ 7 ժամ է տեւել Ջհանգիրյանի օպերացիան». «Հրապարակ»

«Հրապարակ» թերթը գրում է.

«Երեկ պարզվեց, որ Ռուբեն Վարդազարյան ի հրապարակած սկանդալային ձայնագրության հերոս Գագիկ Ջհանգիրյանն առողջական խնդիրներ ունի եւ վիրահատության է ենթարկվել։ Այդ մասին ԱԺ-ում հայտարարեց նրան փոխարինելու գնացած ԲԴԽ անդամ Դավիթ Խաչատուրյանը, որը չգիտեր՝ արդեն վիրահատե՞լ են, թե՞ դեռ պիտի վիրահատեն Ջհանգիրյանին։

Դրանից հետո մամուլում արագ տեղեկություն տարածվեց, թե Ջհանգիրյանը, իրականում, գնացել է վիրահատության, որպեսզի հետո «վատառողջ լինելու հիմքով» հրաժարական տա եւ դուրս գա ԲԴԽ-ից։ Բայց դա ոչ թե հանրության պահանջն է, այլ՝ սորոսականների, որոնք մի քանի օր է՝ արշավ են սկսել նրա դեմ, Ջհանգիրյանին մեղադրելով արդարադատությանը միջամտելու մեջ։

Բանն այն է, որ այս մի կադրին սորոսական կոչվող հանրույթը չի նշանակել պաշտոնի եւ հիմա ուզում է ամեն կերպ փոխել, որ դատական համակարգն ու դատաիրավական բարեփոխումների գործն էլ իր ձեռքը վերցնի: ԲԴԽ-ից երեկ չէին ասում, թե որ հիվանդանոցում է Ջհանգիրյանը, ինչ առողջական խնդիր ունի, ինչն են վիրահատել, ասում էին՝ բժշկական գաղտնիք է։

Մենք, սակայն, պարզեցինք, որ Գագիկ Ջհանգիրյանի մոտ ողնաշարի ճողվածք՝ «գրիժա» կա, նոր բան չէ, եւ նրա վիրահատությունը վաղուցվանից էր ծրագրված: Նրան վիրահատել են «Արմենիա» բժշկական կենտրոնում։ Ավելին, նրան հիվանդանոցում տեսել են ՀԱԿ անդամ, Ջհանգիրյանի երբեմնի թիմակից ու մտերիմ Հակոբ Հակոբյանի՝ Լեդի Հակոբի հետ, եւ մարդկանց թվացել է, թե Հակոբյանն է ուղեկցում Ջհանգիրյանին։

Մենք զանգահարեցինք Հակոբ Հակոբյանին՝ հասկանալու, թե ինչպես է անցել վիրահատությունը, ինչ կարող է ասել Գագիկ Ջհանգիրյանի առողջական վիճակի մասին եւ ինչու է հենց ինքն ուղեկցել ԲԴԽ նախագահի պաշտոնակատարին։ Բայց պարզվեց՝ չի ուղեկցել, այլ իր առողջական խնդիրներով դիմել է «Արմենիա» ԲԿ, եւ այնպես է ստացվել, որ Ջհանգիրյանի հետ միաժամանակ է հետազոտություն անցել, հիմա էլ կողք-կողքի պալատներում պառկած են։

Մեր հարցին Լեդի Հակոբն արձագանքեց. «Հիվանդանոցում եմ, մեջքս բռնվել ա՝ պառկած եմ»։

- Դուք է՞լ եք պառկած, մեզ էլ թվացել էր՝ Գագիկ Ջհանգիրյանին եք ուղեկցել։

- Չէ, ես էլ կողքի պալատն եմ պառկած։

- Իսկ Ձե՞զ ինչ է եղել։

- Իմը իմ ասկոլկեքն են իրար եկել, իսկ իրենից տեղյակ չեմ։

- Պարզապես Ձեզ միասին են տեսել հիվանդանոցում։

- Չէ, ցավդ տանեմ, ես էլ եկա ռենտգեն ընկա, նայեցին, հիմա պառկած եմ։

- Իսկ Գագիկ Ջհանգիրյանից տեղեկություն ունե՞ք, վիրահատե՞լ են արդեն, ինչպե՞ս է նրա վիճակը։

- Նոր տղերքն ասացին՝ հենց նոր են բերել պալատ, յոթ ժամ է տեւել օպերացիան, ինչ ա եղել, տենց լսել եմ, հաստատ չգիտեմ։

- Իսկ Ձե՞զ մոտ ինչ վիճակ է։

- Իմ մոտ թեթեւ ուսերիս կողմը, մեկ էլ երիկամիս մոտ ասկոլկեք կային, դա են արել»:

Առավել մանրամասն՝ թերթի այսօրվա համարում

Այս թեմայով Արթուր Հովհաննիսյանը ոչ պաշտոնական էջում ներողություն է խնդրել հինգերորդ ալիքից.  «Հրապարակ» Հայաստանում ներքին և արտաքին գործոններով պայմանավորված լարվածությունն ավելի ու ավելի է աճում. Հրապարակ Արդեն կառուցված շենքը քանդել են՝ թերությունների պատճառով․ «Հրապարակ» Վահե Ղազարյանը չի մասնակցելու բյուջեի քննարկմանը. շուրջ 1 ժամ է նա չի կարողանում դուրս գալ նախարարությունից. «Հրապարակ» Ամաչե՛ք, երկիրը հանձնում եք թշնամիներին, դրա դեմ մեր տղերքն իրենց կյանքն են տվել. Գայա Արզումանյան (տեսանյութ) Ոստիկանության զորքերին տեղափոխելը միայն 10 մլն է նստում քաղաքացիների վրա․ Հրապարակ «Հրապարակ». Բագրատ Սրբազանն առայժմ փակագծեր չի բացում Մայիսի 26-ին ժամը 16:00-ին արի Հանրապետության հրապարակ,օգնիր ազատվել թուրքի զինակից այս խունտայից։ Սա' է միակ ելքը, այլ ճանապարհ` ՉԻ'Ք. Սերժ Սրապիոնյան Փարիզում Շառլ Ազնավուրի անունով հրապարակ է անվանակոչվել (լուսանկարներ) Որպես արցախցի՝ մայիսի 26-ին գնալու եմ հրապարակ և պահանջեմ Նիկոլի հրաժարականը