Ուր են և ինչու են լռում Հայաստանի խոշոր գործարարներն ու պաշտոնյաները. Արտավազդ Նազարեթյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական և ռազմական պաշտոններ, Արցախի և Հայաստանի անունը հոլովելով բիզնես են դիզել, իսկ այսօր, երբ Արցախը գրեթե կորսված է, իսկ Հայաստանը գտնվում է լրջագույն վտանգների առջև, նրանք նախընտրում են լռել, ասես ոչինչ էլ տեղի չի ունեցել:

Այսօր կխոսենք Արարատի մարզպետի տեղակալ Արտավազդ Նազարեթյանի մասին: Վերջինս մինչ հեղափոխությունը քաղաքականությամբ չի զբաղվել, նրա հիմնական աշխատանքային գործունեությունը ձեռներեցությունն էր։ Այսպես՝ 2014-2016 թթ.- Ռուսաստանի Դաշնությունում զբաղվել է անհատ ձեռներեցությամբ 2016 թթ. - «Ամետիստ-ԱՄ» ՍՊԸ՝ գործադիր տնօրեն, 2017-2018 թթ. - «Բուլդի» ՍՊԸ՝ փոխտնօրեն, 2018 թ. հունիսից՝ ՀՀ Արարատի մարզպետի տեղակալ: Նազարեթյանն Արարատի նախկին մարզպետ Գարիկ Սարգսյանի համակուրսեցին է: Հարցին, թե արդյոք դա կոռուպցիոն ռիսկ իր մեջ չի պարունակում, Սարգսյանն այն ժամանակ ասել էր. «Ոչ, ովոհետեւ երբ ՔՊ կուսակցությունը հիմնվել է, այս մարդն ակտիվ մեզ հետ ամեն հարցում զբաղվել է: Ցանկացած հարցում աջակից է եղել մեր ցանկացած քայլին»: Հարցին, թե կարո՞ղ է նշել մի դրական բան, որի համար նա նշանակվել է փոխմարզպետ, Գարիկ Սարգսյանը պատասխանել էր. «Այդպես չի գնահատվում տեղակալ նշանակելը: Նա գաղափարակից ընկեր է մեզ համար եւ այդ պատճառով նշանակվել է այդ պաշտոնին»: Նա հավելել էր, որ դա կոռուպցիա չի համարում:

Մինչ հեղափոխությունը Նազարեթյանն իրեն դիրքավորել է որպես Հայաստանի և Արցախի ճակատագրով մտահոգ քաղաքացի, 2020 թվականի 44–օրյա պատերազմի ընթացքում հենց Նազարեթյանն էր հանդիսանում ռազմական դրության ժամանակ մարզային պատասխանատուն: Սակայն, պատերազմից հետո և անգամ այսօր, երբ բացահայտ խոսվում է Տիգրանաշենը որպես անկլավ հանձնելու մասին, Արարատի մարզպետի տեղակալը չի շտապում գնահատականներ տալ ստեղծված իրավիճակին:  Տիգրանաշենի հանձնման դեպքում Երեւանը Վայոց ձորին, Սյունիքին, այնտեղից էլ Իրանի Իսլամական Հանրապետությանը կապող միջպետական մայրուղու մի հատվածի վերահսկողությունը կանցնի Ադրբեջանին՝ դրանից բխող բոլոր բացասական հետեւանքներով: Նազարեթյանի կուրսեցին՝ Գարիկ Սարգսյանը, ժամանակին բացառում էր Տիգրանաշենի հանձնումը, նախկին մարզպետներից Ռազմիկ Թևոնյանը նույնպես առնվազն իր գնահատականն էր հայտնել՝ նշելով, որ նման բան չի կարող լինել: Հետաքրքիր է՝ իսկ չի ցանկանո՞ւմ արդյոք Նազարեթյանը նույնպես միանալ իր գործընկերներին, հատկապես, երբ ըստ Գարիկ Սարգսյանի՝ իրենք գաղափարակիցներ են և գնահատական տալ իր մարզի շուրջ տեղի ունեցող գործընթացներին: Զարամանալի է, երբ Արցախի կորստից հետո բացահայտ խոսվում է տարածքներ հանձնելու մասին, իսկ մարզի ղեկավարությունը, որը ժամանակին իրեն դրսևորում էր բավական պետականամետ կեցվածքով, այսօր չի ցանկանում բառ անգամ ասել: Եթե ինչպես ՔՊ-ականներն են սիրում ասել՝ իրենք պատասխանատու են միայն ՀՀ տարածքային ամբողջականության պաշտպանության համար, ապա հիշեցնենք, որ Տիգրանաշենը ՀՀ սուվերեն տարածք է, սակայն պաշտպանությանն ուղղված որևէ գործողություն, կամ առնվազն հրապարակային հայտարարություններ դեռ չենք լսել:

Շարունակելի...

Այս թեմայով Հայտնի են «Արտավազդ» թատերական մրցանակաբաշխության հավակնորդները Արտավազդ Փելեշյանը նշում է 86-ամյակը. ԿԳՄՍ նախարարը շնորհավորել է կինոյի մեծ Վարպետին «Հավերժական լույս». Ժաննա Անդրեասյանը ծանոթացել է Արտավազդ Փելեշյանի նոր ստեղծագործությանը Քննարկվում են Արտավազդ Փելեշյանի անվամբ կինոդպրոց հիմնելու հեռանկարները. ԿԳՄՍ նախարար Նրա անցյալը լուսավորում է մեր ներկան. Արտավազդ Փելեշյանը տոնում է 85- ամյակը ՀՅԴ–ական Գառնիկ Մանուկյանը կալանավորվել է, Արտավազդ Մարգարյանը` ազատ արձակվել «Սուրմալու»-ի պայթյունի զոհ դարձած 22-ամյա Վաչագանը, ով 44-օրյա պատերազմի մասնակից էր, հաղորդավար Արտավազդ Եղոյանի եղբոր թոռն էր Յուրայինները սկսել են ընդօրինակել Փաշինյանին. Նստած էր թզբեհը ձեռքին․ «Հրապարակ» «Խորհրդային կինեմատոգրաֆում ավելի ազգային եւ ավելի հայկական կինո, քան Արտավազդ Փելեշյանի կինոն էր, թերեւս, դժվար է գտնել». Արմեն Ամիրյան Միկրովիրաբույժ Արտավազդ Սահակյանը պատերազմի ընթացքում 300-ից ավելի վիրավոր է վիրահատել