Ուր են և ինչու են լռում Հայաստանի խոշոր գործարարներն ու պաշտոնյաները. Արգիշտի Ամիրխանյան

ԼՈւՐԵՐ.com-ը շարունակում է անդրադառնալ այն պաշտոնյաներին և գործարարներին, ովքեր երկար տարի զբաղեցրել են պետական և ռազմական պաշտոններ, Արցախի և Հայաստանի անունը հոլովելով բիզնես են դիզել, իսկ այսօր, երբ Արցախը գրեթե կորսված է, իսկ Հայաստանը գտնվում է լրջագույն վտանգների առջև, նրանք նախընտրում են լռել, ասես ոչինչ էլ տեղի չի ունեցել:

Այսօր կանդրադառնանք Իջևան համայնքի ղեկավարի տեղակալ Արգիշտի Ամիրխանյանին: Գաղտնիք չէ, որ Իջևանն այսօր դարձել է թշնամու գլխավոր թիրախներից մեկը և կյանքը սահմանամերձ այս քաղաքում, մեղմ ասած, անվտանգ չէ: Բազմաթիվ անվտանգային ռիսկեր են ի հայտ եկել հատկապես Արցախի կորստից հետո, երբ Ադրբեջանն անթաքույց կերպով ներկայացնում է իր հավակնությունները հատկապես Սյունիքի և Տավուշի մարզերի մի շարք բնակավայրերի նկատմամբ:

Արգիշտի Ամիրխանյանի՝ նախկինում ունեցած բուռն քաղաքական գործունեության մասին որևէ տեղ հիշատակում չգտանք, ավելին՝ համացանցում հնարավոր չէ գտնել նաև վերջինիս կենսագրությունը: Աակայն ակնհայտ է, որ Ամիրխանյանը այսպես ասած՝ քայլած հեղափոխականների շարքում չի եղել և նրան բնիկ ՔՊ-ական չես անվանի: Այս ընթացքում էլ, հատկապես 44-օրյա պատերազմից հետո, փոխքաղաքապետն աչքի է ընկել Արցախյան երկրորդ պատերազմում զոհված հերոսների հիշատակը հարգելով: Այսպես, նա մասնակցել էր ԵՊՀ Իջևանի մասնաճյուղում անմահացած հերոս Շիրակ Գասպարյանի անվան լսարանի բացմանը: Եվ ընդհանրապես, անգամ 2019-ին պատերազմի հերոսներին, նրանց հարազատներին նվիրված բազմաթիվ գրառումների կարելի է հանդիպել Ամիրխանյանի անձնական ՖԲ էջում։

Ի՞նչն է փոխվել այսօր, որ Իջևանի քաղաքապետի տեղակալ Արգիշտի Ամիրխանյանը չի ցանկանում առնվազն քաղաքացիական գնահատական տալ այն պրոցեսներին, որոնք այսօր տեղի են ունենում Արցախի և արդեն՝ Տավուշի մարզի շուրջ: Բնավ չենք ուզում ենթադրել, որ վերջինս կաշկանդված է իր պաշտոնով, սակայ, անհրաժեշտ է հասկանալ, որ երկրի համար օրհասական իրավիճակում առաջին հերթին հենց բարձրաստիճան պաշտոնյաները, սահմանամերձ համայնքների ղեկավարները պետք է բարձրաձայնեն վտանգների մասին և հայտնեն իրենց դիրքորոշումը: Մի բան, ինչին դեռևս ականատես չենք լինում:

Շարունակելի:

Այս թեմայով ՃՏՊ` Երևանի Հաղթանակի կամրջից Արգիշտի փողոց տանող ավտոճանապարհին. կան տուժածներ Բացի պաշտոնյաներից, Արցախից այլ գերիներ կան Բաքվում, զբաղվում ենք իրենց հարցերով. Արգիշտի Քյարամյան Քյարամյանը ԵԽ ՄԻ հանձնակատարին է ներկայացրել Ադրբեջանի կողմից իրականացված էթնիկ զտման հանգամանքները Սրանով տրվում է նոր որակի և սերտ համագործակցության մեկնարկը. Արգիշտի Քյարամյանն այցելել է Վրաստան Աշոտյանի նկատմամբ քաղաքական հետապնդումն անմիջականորեն իրականացնում է Արգիշտի Քյարամյանը. Աթանեսյան Արգիշտի Քյարամյանի հրամանով քննիչն ազատվել է պաշտոնից ՔԿ նախագահը ու Եվրոպոլի գործադիր տնօրենը ձեռք են բերել համագործակցությունն առարկայական դարձնելու պայմանավորվածություն Արգիշտի Քյարամյանի հրամանով 2 քննիչ ազատվել է աշխատանքից Քաղաքացին նկարագրում է, թե ինչպես է Արգիշտի Քյարամյանն իրեն խոշտանգել Հայաստանը այս կարգի ողորմելի ղեկավար երբեք չի ունեցել. Արգիշտի Կիվիրյան