«Պրոֆեսոր-ծաղրասերները» ճիշտ էին, Քերոբյանը՝ սխալ

Էկոնոմիկայի նախարար Վահան Քերոբյանը 2021 թվականի մարտի 26-ի ճեպազրույցի ժամանակ, անդրադառնալով տուրիստների՝ Հայաստան ժամանելու հարցին, ասել էր, որ 2021 թվականին 2020-ի նկատմամբ կանխատեսվում է տուրիզմի 319% աճ։ 

«Անցած տարի շռնդալից անկում ենք ունեցել, բայց այս տարի․․․ մարտ ամսին արդեն ունենք պարսիկների մեծ՝ բավական մեծ խումբ։ Հիմա Նովրուզ է, և շատ մարդ կա։ Եվ մենք ապրիլին գիտենք, որ ավելի շատ ամրագրումներ կան, մայիսից արդեն պլանավորում ենք մտնել լրիվ նորմալ, ոչ իհարկե ոնց որ 2019-ին, բայց արդեն ընդունելի և նորմալ տեմպի մեջ։ Այս տարվա մեր տուրիզմի աճը նախորդ տարվա նկատմամբ կանխատեսված է 319%-ով, այսինքն՝ 2019-ի նկատմամբ -20-25% է, բայց 2020-ի նկատմամբ +319% է»,- ասել էր նա։

Արդեն հուլիսին Քերոբյանը ֆեյսբուքյան իր էջում նշված թեմայի վերաբերյալ հրապարակում կատարեց՝ վերահաստատելով, որ «տուրիզմի 319% աճն էլ կլինի՝ ի հեճուկս որոշ պրոֆեսոր-ծաղրասերների»։

Բայց, արի ու տես, որ ըստ Վիճակագրական կոմիտեի հրապարակման՝ 2020 թվականին Հայաստան ժամանած զբոսաշրջիկների թիվը եղել է 360,338, իսկ 2021 թվականին՝ 870,308։ Սա 2․4 անգամ ավելի է 2020 թվականի ցուցանիշից։ 2021 թվականին զբոսաշրջությունը 2020 թվականի նկատմամբ աճել է 241․5%-ով, որը նույնպես տպավորիչ է հետհամավարակային պայմաններում, բայց հեռու է էկոնոմիկայի նախարարի հնչեցրած 319%-ից։ 

Այսօր էլ  ՀՀ ԱԺ տնտեսական հարցերի մշտական հանձնաժողովի նիստում Քերոբյանը հայտարարել է, որ զբոսաշրջությունը ՀՀ-ում զարգանում է բավականին լավ տեմպերով․ «Այս ամսվա 10 ամիսներին ՀՀ է այցելել 2 մլն-ից ավելի զբոսաշրջիկ։ Մենք ակնկալում ենք, որ մինչև տարեվերջ 2.4 մլն զբոսաշրջիկի կհասնի այս թիվը, ինչը մոտավորապես 25 տոկսով ավելի է, ինչ մենք ունեցել ենք մեզ համար լավագույն զբոսաշրջային տարում՝ 2019 թ.-ին»-ասել է նախարարը:

Լավ, իսկ ուր մնաց այդքան հաշվարկված 319% աճը: Իհարկե, չենք ուզում ենթադրել, որ նախարարը ժամանակին կոպտորեն սխալվել է իր հաշվարկներում և իզուր էր ծաղրում այսպես կոչված՝ պրոֆեսոր-ծաղրասերներին: Սակայն, մյուս կողմից էլ ինչպես ասում են՝ պոպուլիզմի հոտ է գալիս այս ամենից: Եթե Քերոբյանն այդքան վստահ էր, որ ունակ է 319% աճ ապահովել, այդ ինչպես է ստացվում, որ այժմ էլ իր համար աննխադեպ է հանդիսանում 25%-ը և ինքն էլ է զարմացած մնացել այս արդյունքներից....

Այս թեմայով ԱԳ փոխնախարարը ՆԱՏՕ-ի կենտրոնակայանում քննարկել է հայ-ադրբեջանական հարաբերությունները Կոստանյանը Կատարի ԱԳ փոխնախարարին ներկայացրել է «Խաղաղության խաչմերուկ»-ի սկզբունքները Վահան Կոստանյանը հանդիպում է ունեցել Սաուդյան Արաբիայի տեղեկատվական տեխնոլոգիաների նախարարի տեղակալ Ահմադ Ալ-Սայանի հետ Վահան Քերոբյանի նկատմամբ կիրառված տնային կալանքը երկարաձգվել է ևս 2 ամսով. պաշտպան «Ժողովուրդ». Վահան Քերոբյանի քրեական գործով համակարգիչներն են ստուգվում Վահան Կոստանյանը ելույթով է հանդես եկել ՄԱԿ եվրոպական տնտեսական հանձնաժողովի ԿԶՆ տարածաշրջանային ֆորումին «Ժողովուրդ». Կալանքի տակ գտնվող Վահան Քերոբյանի դեմ դատարան հայցեր են ներկայացվում Աշխարհը զգալիորեն հետ է ընկել 2030-ի օրակարգի իրականացումից. Կոստանյանի ելույթը ՄԱԿ-ում Շատ եմ ցավում, որ այս կադրային փոփոխությունը տեղի է ունենում. Փաշինյանը՝ Վահան Քերոբյանի մասին ՈՒՂԻՂ․ Վահան Քերոբյանի կալանավորման մանրամասները․ ասուլիս