Տեր Եսայի քահանա Արթենյանը Սարդարապատում ամոթանք է տվել ՔՊ-ական կարկառուններին. MediaHub

Խայտառակություն, ճղճիմություն, անգամ Նիկոլ Փաշինյանի նկարագրի համար, մեղմ ասած, զարմանք հարուցող զազրելի արարք, որը որևէ կերպ չի տեղավորվում և ոչ մի տրամաբանության մեջ: Իշխանության գործելաոճի մեջ՝ առավել ևս:

Այն, ինչ տեղի ունեցավ Սարդարապատ հուշահամալիրում Ամենայն Հայոց կաթողիկոսի հանդեպ այսօր ուղղակի գարշելի ու զազրելի է: Վստահաբար կարելի է ասել, որ անգամ թուրք ու ադրբեջանցի իշխանավորները նման վարք չէին դրսևորի, քանզի ինստիտուտ հարգելը, այդուհանդերձ, ցանկացած պետության ղեկավարի համար չգրված օրենք է: Բայց մենք վաղուց արդեն համոզվել ենք, որ Փաշինյանը դուրս է բոլոր օրենքներից՝ և՛ պետական, և՛ մարդկային, և՛ բարոյական: Ոգու սով՝ սա է միակ բնորոշումը:

MediaHub-ին որոշ մանրամասներ են հայտնի դարձել այս ամոթալի միջադեպից: Ոստիկանները, ինչպես տեսանք, Գարեգին Երկրորդի մուտքը փորձել են ամեն կերպ դեպի հուշահամալիր խոչընդոտել, իսկ այնուհետև, նրա աղոթքի ժամանակ Փաշինյանի շքախումբը, կներեք արտահայտության համար՝ “բարձրաստիճան պաշտոնյաները”՝ ի դեմս Ռուբեն Ռուբինյանի և տխրահռչակ Անդրանիկ Քոչարյանի, ձևացրել են, թե միկրոֆոնի հետ խնդիր ունեն և այն պետք է կարգավորեն, որպեսզի իրենց ղեկավարի աչքին երևա, թե իրենք չեն էլ լսում Վեհափառ հորը: Մյուսներն էլ իբրև զբաղված են եղել կարևոր զրույցներով, գլուխները այս ու այն կողմ են տարել-բերել, թե իրենց դատարկ մտքերն ու գոյությունն ավելի հետաքրքիր է, քան այն, ինչ կատարվում է տարածքում: 

Ականատեսի փոխանցմամբ, այս խայտառակությանն անտարբեր չի մնացել Մայր Աթոռի Տեղեկատվական համակարգի տնօրեն Եսայի քահանա Արթենյանը, ով մոտեցել է սույն անձանց և սաստել նրանց, ամոթանք տվել և, վստահ ենք, ասել այն ամենը, ինչ կարծում է իրենց մասին օրվա խայտառակ իրադարձություններից հետո: Ցավոք, ականատեսը չի լսել, թե կոնկրետ ինչ է ասել Տեր Եսային, բայց վստահ ենք՝ ամոթանքը եղել է արժանի ստեղծված իրավիճակին, թե, մյուս կողմից, ամոթի զգացում սույն անձինք ի սպառ չունեն, ինչպես և հայրենասիրություն ու հային վայել արժեհամակարգ:

Ոստիկաններից ոմանք հոգևորականների ամոթանքից արդարացել են՝ հստակ հրաման ունեն վերևից՝ կաթողիկոսին չթողնել ոտք դնի հուշահամալիր, քանի դեռ Փաշինյանը չի եկել-գնացել: Բայց դե չեն հաջողել ու մինչ այս պահն էլ կրում են քննադատության բեռը:

Նշենք, որ Մայր Աթոռը պաշտոնապես դատապարտել է այս զազրելի արարքը, ոստիկանների վարքը, Նիկոլ Փաշինյանին ծառայելու կույր մոլուցքը, որը ջնջում է անցյալն ու հարցականի տակ առնում նրանց ապագան:

Այս թեմայով Ոստիկանության նռնակների հետևանքով ձեռքի դաստակը կորցրած Եսայի Քարամյանը դեռևս տուժող չի ճանաչվել Արժույթի միջազգային հիմնադրամը կոշտ գնահատական է տվել ՀՀ իշխանության տնտեսական քաղաքականությանը Արամ Զավենի Սարգսյանի հետ կապված մարդու ընկերությանը 280 միլիոն դրամ և խայտառակ շինթույլտվություն են տվել. քաղաքական առևտուր է Երևանի քաղաքապետարանում. Մանուկյան Փաշինյանը հրաժեշտ է տվել Գերմանիայի դեսպանին Վեհափառը պատգամեց նորաօծ քահանա հայրերին իրենց եկեղեցանվեր ծառայությունն իրականացնել ամբողջանվեր Պետության վրա հարձակվողներին փնտրեք ձեր շարքերում․ Մարկոս քահանա Մանգասարյանը՝ ՔՊ-ականին Ալիևը ոչ թե ՀՀ-ին պահանջներ է հնչեցրել, այլ մտքեր հնչեցրել. ՔՊ-ական (տեսանյութ) 10 հոգով մարդ են ծեծել՝ լրագրող, զոհվածի հայր, հոգևորական, վերջին հայհոյանքներն են տվել, պղծված են (տեսանյութ) ԱԺ ՔՊ-ական պատգամավորը հեռվից հետևում էր Բաղրամյանի ակցիային (տեսանյութ) Ոստիկաննե՛ր, համոզվա՛ծ եղեք, Փաշինյանը ասելու է՝ ինքն անհամաչափ ուժ կիրառելու հրաման չի տվել․ Արտակ Զաքարյան