Երևանում մեկնարկեց Անիի հնագիտական պեղումներին, պատմությանը և կոթողներին նվիրված միջազգային գիտաժողով

Հայաստանի պատմության թանգարանում մայիսի 29-ին մեկնարկեց «Անիի հնագիտական դպրոցը» խորագրով միջազգային գիտաժողովը։ «Արմենպրես»-ի հաղորդմամբ՝ եռօրյա միջազգային գիտաժողովը կազմակերպել են Հայաստանի պատմության թանգարանը, ՀՀ ԳԱԱ հնագիտության և ազգագրության ինստիտուտը և Ազգային հետազոտությունների Մոսկվայի շինարարական պետական համալսարանը։

Այս տարի լրանում են Անիի պեղումների արշավախմբի ղեկավար Նիկողայոս Մառի ու Անիի ճարտարապետության նշանավոր հետազոտող, արշավախմբի աջակից Թորոս Թորամանյանի 160, ինչպես նաև արշավախմբի առանցքային անդամներից և Հայաստանում հնագիտական աշխատանքների կազմակերպիչ Աշխարհբեկ Քալանթարի 140-ամյակները։

Բացման խոսքում՝ Հայաստանի պատմության թանգարանի տնօրեն Դավիթ Պողոսյանը կարևորեց գիտաժողովը, նվիրված՝ Անիի կանոնավոր պեղումների ու հնադարանի ստեղծման 120-ամյակին և երեք ականավոր հետազոտողների հոբելյաններին, որոնք բացի պեղումները, ձեռնարկեցին նաև այդ նյութերի թանգարանացման գործընթացը։

«Նրանք գիտակցում էին, որ պեղումների ընթացքում հսկայական նյութ է ի հայտ գալու և այդ նյութերը պետք է կարողանալ պատշաճ կերպով պահպանել, որպեսզի դրանք կորստյան չմատնվեն։Եվ ահա, երբ 1904 թվականին ռեսուրս գտնվեց՝ հենց տեղում թանգարան ստեղծելու, փաստորեն, նոր սկսեցին պեղումները», -ասաց Պողոսյանը՝ այդ մոտեցումը կարորելով նաև արդիական լինելու տեսանկյունից։

ՀՀ ԳԱԱ Հնագիտության և ազգագրության ինստիտուտի տնօրեն Արսեն Բոբոխյանը ողջույնի խոսքում բարձր գնահատեց հնագիտության և հայագիտության ոլորտում Մառի գլխավորած արշավախմբի բացառիկ դերակատարումը։

Ազգային հետազոտությունների Մոսկվայի շինարարական պետական համալսարանի Ճարտարապետության և քաղաքաշինության ինստիտուտի տնօրեն Արմեն Ղազարյանն էլ անդրադարձավ Անիի ճարտարապետության բացառիկությանը՝ համեմատելով միջնադարյան անտիկ քաղաքների հետ։

Միջոցառմանը տեղի ունեցավ նաև «Անի․Բագրատունիների տիեզերահռչակ մայրաքաղաք» ֆիլմի պրեմիերան։

Միջազգային գիտաժողովի ընթացքում նախատեսված են չորս տասնյակից ավելի զեկուցումներ, որոնց թեմաները վերաբերում են Անիի պատմությանը, մշակույթի ուսումնասիրությանը և թանգարանացմանը՝ ընդգրկելով պատմության, հնագիտության, վիմագրության, ճարտարապետության, թանգարանագիտության, մշակութաբանության, արվեստաբանության բնագավառները։

Այս թեմայով Երևանում ձևավորվել է Արցախի թեմի գրասենյակը Մարվել և շրջանառության մեջ են դրվել աշխարհահռչակ հայ Փարաջանովի ծննդյանը նվիրված նամականիշներ Կրակոցներ՝ Երևանում․ տղամարդը «Range Rover»-ով հարվածել է քաղաքացու մեքենային, կրակել և հեռացել 1 զոհ, 4 վիրավոր, այդ թվում՝ երեխաներ․ խոշոր ավտովթար Երևանում Երևանում և մարզերի որոշ հասցեներում լույս չի լինի Արժույթի միջազգային հիմնադրամը կոշտ գնահատական է տվել ՀՀ իշխանության տնտեսական քաղաքականությանը Մկրտչյանը հանդիպել է Կարմիր խաչի և Կարմիր մահիկի միջազգային ֆեդերացիայի գլխավոր քարտուղարի հետ Հնդկաստանը ներկայացնող գրոսմայստերը՝ Ստեփան Ավագյանին նվիրված մրցաշարի հաղթող Երևանում և Գեղարքունիքի մարզում երեք գազա-բենզալցակայանների գործունեություն է դադարեցվել Արտակարգ դեպք՝ Երևանում. ավտոլվացման կետի տանիքը քամին պոկել ու շպրտել է՝ փակելով ճանապարհը