Նիկոլը հեռանալու է, բայց մինչ այդ փորձելու Է մահացու հարվածներ հասցնել ժողովրդին. քաղաքագետ

Պատմաբան-քաղաքագետ Արմեն Այվազյանը գրել է.

ԲԱՐՁՐԱՁԱՅՆ ՄՏՈՐՈՒՄՆԵՐ (31.05.2024)

1. Նիկոլը հեռանալու է անսպասելիորեն, բայց մինչ այդ փորձելու է մահացու հարվածներ հասցնել Հայաստանին ու հայ ժողովրդին։ 

2. Խնդիրն այն է, թե ո՞վ է փոխարինելու Նիկոլին։ Եթե դա լինելու է Բագրատ սրբազանը՝ այս կամ այն պետական պաշտոնում, ապա դեռևս հստակ չէ, թե ովքեր են կազմելու նրա կառավարությունը։ Հենց այս անորոշությունն է մեծապես հետ պահում ժողովրդական լայն զանգվածներին միանալու նրա գլխավորած շարժմանը, քանի որ նրանք կասկածում են, որ այդ կառավարությունը բաղկացած է լինելու «նախկիններից» կամ նրանց դրածոներից։ 

3. Ինչու՞ Բագրատ սրբազանը փորձ չարեց այցելել ԱԳՆ կամ մեկ ուրիշ պետական հիմնարկ, երբ ժողովրդի թիվը հրապարակում ոչ թե մի քանի հարյուր էր, ինչպես այսօր, այլ առնվազն 40-50 հազար մարդ։

4. Աչքաթող է արվում ԱՄԵՆԱՄԵԾ ՎՏԱՆԳԸ՝ անխուսափելի իշխանափոխության ամենախոցելի պահին Ադրբեջանը կարող է ձեռնարկել իր հերթական հարձակումը և է՛լ ավելի մեծ տարածքներ գրավել Հայաստանի Հանրապետությունից՝ փակելով երկրի կենսունակության վերջին աղբյուրները։ Ի՞նչ միջոցներ են ձեռնարկվում այդ սցենարը վիժեցնելու ուղղությամբ։ ՀՀ ուժային կառույցներում գոնե որոշ մարդիկ կամ ստորաբաժանումներ կա՞ն, որոնք փորձում են կանխել այդ հավանական ողբերգական զարգացումը՝ ինչ-ինչ նախապատրաստություններ տեսնել ու կանխարգելիչ միջոցառումներ ձեռնարկել Հայաստանի կործանումը թույլ չտալու համար։ Թե՞ բոլորը սևեռված են միայն Նիկոլի կոլաբորացիոնիստական իշխանությունը փրկելու ամենօրյա անհեռանկար աշխատանքի վրա։

5. Արդյոք ՀՀ սահմանամերձ քաղաքներում ու գյուղերում գոնե ոմանք հասկանու՞մ են, որ ՎԱՂԸ նրանց փողոցներում կարող են հայտնվել ադրբեջանցի ու թուրք հատուկ ջոկատայինները և մահ ու սարսափ տարածել։ Արդյոք կա՞ն մարդիկ, որ տեղերում ցանկանում են ստեղծել աշխարհազորային ստորաբաժանումներ, որոնք կարող են նախնական արդյունավետ դիմադրություն ցույց տալ հայասպաններին։ 

6. Իրականում այժմ փաշինյանական խունտան լծված է Ադրբեջանի հերթական ագրեսիայի համար հիմքեր նախապատրաստելու գործին՝ 

ա) թուլացնում է բանակը, 

բ) վարկաբեկում ու «փչացնում է» ուժայիններին,

գ) պառակտում ու բարոյալքում է ժողովրդին՝ հարվածելով հայկական ինքնության հիմնասյուներին,

դ) բթացնում ու մոռացնել է տալիս հայերի ինքնապաշտպանական բնազդն ու դիմադրության ոգին,

ե) փորձում է քայքայել ու կազմալուծել Հայոց եկեղեցին,

զ) ՀՀ հաջորդ իշխանության յուրաքանչյուր հայանպաստ քայլ կանխավ ներկայացնում է որպես «հայկական ռևանշիզմ» ու «հայկական ֆաշիզմ», ինչը և պետք է Ադրբեջանին ու Թուրքիային։

Այսքանով առայժմ բավարարվեմ։

Այս թեմայով «Գեոպրոմայնինգ Գոլդի» ոսկու հանքի տնօրենին, ինժեներին, անվտանգության պետին տանը հարվածներ են հասցրել Ժողովրդի վրա նռնակ նետած իշխանությունը հեշտ հեռացողներից չէ, բայց գնալու են. Սրբազան (տեսանյութ) Մեզ վրա կրակել են, սպառնացել, վախեցրել ԱԱԾ-ով, բայց մենք թքած ունենք այդ սպառնալիքների վրա․ Գառնիկ Դանիելյան (տեսանյութ) Մեր հետևում մարտական զինված զորք էր, իմ խնդիրը ժողովրդին պաշտպանելն էր ոստիկանների բռնություններից․ Սրբազան (տեսանյութ) Նիկոլը մեծ փորձանքների ճանապարհ է բացում. թող վաղն էլ դուրս գա ՀԱՊԿ-ից՝ քաղաքական առումով սա կապիկություն է. Հայկ Նահապետյան Խաղաղ ճանապարհով հավաքվելու իրավունքը կենսական իրավունք է, բայց․․․ Նինա Հաչիգյանի ակնարկը (տեսանյութ) Արագածոտնի Թեմը հարստացավ նոր սպասավորներով, որ պիտի ծառայեն հավատավոր ժողովրդին Եսային թշնամու դեմ կռվում չվիրավորվեց, բայց վիրավորվեց Երևանում Փաշինյանի հրամանով արձակած նռնակից Ախթալայի հատվածում երկաթգիծը թեև ոչ ողջ հզորությամբ, բայց արդեն շահագործվում է Այո՛, մարդը կորցրել է ինչ-որ բան, հյուրանոց է կորցրել, բայց անհնար է պետբյուջեով հյուրանոց կառուցենք, իրան տանք. Պապոյանը՝ Արցախի գործարարներին աջակցելու մասին