Փարիզի ամառային Օլիմպիական խաղերի մեկնարկին մնաց 50 օր

Փարիզի 33-րդ ամառային Օլիմպիական խաղերի մեկնարկին մնաց 50 օր:

Հայաստանը 33-րդ ամառային Օլիմպիական խաղերին դեռևս ունի 12 մասնակից` հրաձիգ Էլմիրա Կարապետյանը, բռնցքամարտիկ  Դավիթ Չալոյանը, ըմբիշներ Արթուր Ալեքսանյանը, Մալխաս Ամոյանը, Սլավիկ Գալստյանը, Վազգեն Թևանյանը, Արսեն Հարությունյանը, մարմնամարզիկ Արթուր Դավթյանը, ծանրորդներ Անդրանիկ Կարապետյանը, Գարիկ Կարապետյանը և Վարազդատ Լալայանը:

Փարիզի 33-րդ ամառային Օլիմպիական խաղերը կկայանան 2024 թվականի հուլիսի 26-ից օգոստոսի 11-ը: Խաղերի բացման արարողությունը կլինի բացառիկ, քանի որ առաջին անգամ է, որ այն անցկացվելու է ոչ թե մարզադաշտում, այլ Ֆրանսիայի սրտում` Սեն գետի երկայնքով: Փարիզը Լոնդոնից հետո երկրորդ քաղաքն է, որը երրորդ անգամն է հյուրընկալում Օլիմպիական խաղերը (1900, 1924, 2024): 33-րդ ամառային Օլիմպիական խաղերի բացման արարողությունը խորհրդանշական օր է, քանի որ 1924 թվականին խաղերի փակման արարողությունը կայացել է այդ օրը: 

Մասնակից հավաքականները բացման արարողությանը կմասնակցեն նավակներով: Փարիզի Օլիմպիական խաղերում 32 մարզաձևում կխաղարկվի 329 մեդալ, իսկ մասնակիցների թիվը կգերազանցի 10 հազարը: Այս Խաղերում նոր մարզաձև է լինելու բրեյք դանսը: Փարիզի Օլիմպիական խաղերի մի քանի մարզաձևերի մրցումներ կանցկացվեն Թաիթիում, Նանտում, Լիոնում, Մարսելում, Սենթ-Էթյենում և այլն: Այս Խաղերում կաշխատի մոտ 45 հազար կամավոր աշխարհի տարբեր երկրներից:

Փարիզի Խաղերի կազմկոմիտեն ներկայացրել է նաև Օլիմպիական խաղերի թալիսմանին` մասկոտին: Թալիսմանը, որը ստացել է Ֆրիգ (Phryges) անվանումը, նման է ֆրանսիական գլխարկների և ունի կարմիր գույն: Ֆրիգիական գլխարկը համարվում է ֆրանսիական հեղափոխության և ազատության խորհրդանիշ:

Այս թեմայով Ռուսաստանը ներկայացնող 2 հայ բռնցքամարտիկներ դարձել են BRICS խաղերի հաղթողներ Գրետա Վարդանյանը Փարիզի 2024 թվականի Պարալիմպիկ խաղերի ուղեգիր է նվաճել Մնացականյանը և Պեհլիվանյանը դարձել են BRICS բռնցքամարտի խաղերի հաղթող Փարիզում Օլիմպիական խաղերի ժամանակ, հարձակումներ նախապատրաստելու մեղադրանքով, տղամարդ է կալանավորվել Այսօր ամառային արևադարձն է. Գագիկ Սուրենյան Կարեն Խաչանովը չի մասնակցի Փարիզի Օլիմպիական խաղերին Սուրեն Հարությունյանը դարձել է Կազանում ընթացող ԲՐԻԿՍ մարզական խաղերի հաղթող Հայտնի են «Ես հետևում եմ Օլիմպիական խաղերին» մրցույթի հաղթողները Ամառային զորակոչի շրջանակում ՀՀ ԶՈՒ-ն երաժիշտ և պարող մասնագետ զորակոչիկներով համալրելու նպատակով հայտարարում է մասնագիտական լսումներ և դիտումներ. ՊՆ ՔՊ-ի ներսի մարդկանց համար այժմ Հայրենիք բառը հայհոյանք է, ուր մնաց` դա գիտակցեն․ Սոֆյա Հովսեփյան (տեսանյութ)